Gutxienez hildako bat eta bi zauritu Tuteran, auto batek harrapatuta

Pertsona bat hil (20 urteko gizona) eta beste bi zauritu dira igande arratsalde honetan Tuteran, auto batek harrapatuta, Foruzaingoko hainbat iturrik eitb.eus-i jakinarazi diotenez.

Jazoera Norien bidean gertatu da. Istripuaren ostean, ibilgailuak ihes egin du. Zaurituak Sofia Erregina Ospitalera eraman dituzte, eta dirudienez, larri daude.

Udaltzaingoa, Bide Segurtasunerako hainbat patruila, Herri Segurtasuna eta Udaltzaingoa bertaratu dira, eta azken horrek ikerketa abiatu du jazoeraren nondik norakoak argitzeko.

Jendetza bilduta zegoen gaur udalerrian, eta herri bazkariak egiten ari ziren, urteroko Aingeruaren Jaitsiera dela eta.