Gizon bat atxilotu dute Bilbon, Euskotreneko langile bat jotzea egotzita
Ertzaintzak gizonezko bat atxilotu du Bilboko Atxuri geltokian, Euskotreneko langile bati erasotzea egotzita. Langileak txartelik gabe bidaiatzea aurpegiratu zion.
Euskotreneko enpresa batzordeko iturriek jakinarazi duenez, erasoa gaitzesteko kontzentrazioa deitu du larunbaterako. Erasoa atzo 16:30an gertatu zen Atxuri geltokian, langileak Donostia eta Bilbo arteko bidea egin zuen tren batetik jaitsi zen bidaiari bati txartela eskatu zionean.
Bidaiariak txartelik ez zuela erantzun zion eta, hori dela eta, isuna jarriko ziola adierazi zion langileak. Bidaiaria ihes egiten ahalegindu zen hesiaren gainetik jauzi eginez.
Gizonak, orduan, makila batekin aurpegian jo zuen langilea, masail batean eta hortzetan zauriak eraginez. Geltokiko langileek Ertzaintzari abisua eman zioten eta agenteek erasotzailea atxilotu zuten.
Langileak erasotzailearen kontrako salaketa jarri du Ertzaintzaren aurrean. Bestalde, Euskotreneko Batzorde Iraunkorrak atzoko erasoa eta, oro har, langileek beren lanaldian jasaten dituzten erasoak salatu ditu.
ak salatu ditu.Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emaztea hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.