Non ospatu Donibane sua 2017an?
Aurten ere, ekainaren 23tik ekainaren 24ra ospatuko da Donibane gaua, ohikoa den legez, Euskal Herri osoan zehar sua piztuta.
Erritu horren helburua, jatorrian, "eguzkiari indar handiagoa ematea da", eta suak funtzio "garbitzailea" du horri begira egoten diren pertsonen artean.
Donibane gaua, ekainaren 23an, urteko laburrena da ipar hemisferioan, eta argia iluntasunari gailentzen zaiola irudikatzen du.
Hala, iluntzen duenean, suak hartuko du protagonismoa, eta familiak eta lagunak horren inguruan elkartuko dira.
EAE eta Nafarroa osoan ospatzen da Donibane bezperako sua. Bizkaian, ezagunenak Bilbon (Etxebarria eta Artxanda parkeetan bereziki), Muskizen, Leioan, Getxon (Arrigunaga hondartzan), Gorlizen, Barrikan eta Sondikan izango dira.
Gipuzkoan, Tolosakoa da nagusia, baina Donostiakoa, Eibarkoa, Arrasatekoa, Hernanikoa eta Andoaingoa ere apartekoak dira.
Araban, Guardian, Agurainen, Amurrion eta Gasteizen da oso tradizionala.
Nafarroan, berriz, Iruñeko, Aurizko eta Zugarramurdiko (Donibane egunetik gertuen dagoen larunbatean egiten dute Akelarrea) suen inguruan bilduko da jende gehien.
Arreta neurriak
Udal agintariek ezarritako suak pizteko eremuak errespetatzea eta emandako aholkuak eta prebentzio neurriak betetzea da lehenengo gomendioa.
Era berean, zuhaizti inguruetan surik ez piztea aholkatzen da, eta ibilgailu, etxebizitza eta abarretik gutxienez 15 metrora egitea.
Sua asfaltoaren gainean piztuz gero, metalezko xafla lodi bat jartzea aholkatzen dute, kalte materialak saihesteko. Gainera, egurra bakarrik erabili behar da, eta ez da ez plastikorik, ez pneumatikorik ez esprairik jaurti behar sutara.
Erredurarik ez izateko, garren gainetik jauzirik ez egiteko ere aholkatu dute, are gutxiago alkohola kontsumitu bada.
Bukatzeko, festa amaitu ostean, sua guztiz itzali dela ziurtatu behar da.
Zure interesekoa izan daiteke
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi egin du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.
Albiste izango dira: Abisu horia beroagatik, Estatu Batuen eta Iranen arteko bake akordioa eta "Bizi Natura" saioaren denboraldi amaiera
Gaurkoan Orain-en albiste izango direnen laburpena, bi hitzetan.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.