Horrela egingo dituzte Garoña eraisteko lanak
2017ko abuztuaren 1ean iragarri zuen Espainiako Gobernuak Santa Maria de Garoña zentral nuklearra behin betiko ixteko erabakia. Horren ondotik, prozesu luze eta korapilatsua abiatu da, instalazioak eraitsi eta hondakin erradioaktiboak eraman behar dituztelako.
Alvaro Nadal Espainiako Energia, Turismo eta Agenda Digitaleko ministroak aurreratu zuenez, 13 eta 16 urte bitartean beharko dituzte lanok egiteko. Jose Ramon Armada Vandellos I erreaktore nuklearra desmuntatzeko ardura izan zuen adituaren arabera, 15 urte baino gehiago iraun dezake prozesuak.
Hauek dira eman beharreko urratsak:
USTIAPENA ETEN. Ustiapena behin betiko etetea agindu behar du Espainiako Gobernuak. Horretarako, Kontseilu Nuklear Nazionalak txostena idatzi beharko du, eta hori oinarri hartuta, adierazpena izenpetuko du Energia Ministerioak.
ERAITSI AURREKO FASEA. Nuclenorri dagokio lehen epe hau. Zentrala eraisteko eta bertan dauden hondakin nuklearrak kudeatzeko plana egin beharko du. Garoñako zentral nuklearrean gordetako eta 43 urte hauetan sortutako erradioaktibitate handiko erregaiarekin zer egin erabaki behar du, aurrena. Villar de las Cañas (Cuenca) herrian Espainiako Gobernuak egin asmo duen Behin-behineko Biltegi Zentralizatuan (ATC, gaztelaniazko sigletan) gorde beharko lirateke, baina proiektua ez atzera ez aurrera dago duela bost urtetik. Horrela, Behin-behineko Biltegi Indibidualizatu batera eraman lezake, edota atzerriko instalazio batera.
Horrez gain, erradioaktibitate txiki eta ertaineko hondakinak bildu beharko ditu. Hondakinok El Cabril (Kordoba) herrian dagoen biltegira eramango dituzte, bertan gorde eta trata ditzaten.
DESMUNTATU ETA ERAITSI. Aurreneko fase horren ondotik, hondakin erradioaktiboak kudeatzen dituen enpresaren (ENRESA) esku geratuko da Garoña. Enpresa publiko hori arduratuko da zentrala desmuntatu eta eraisteaz. Fase honetan kenduko dute erreaktorea, eta orduan garbituko dute ingurua.
Instalazioak desmuntatutakoan, lurzorua bere onera ekartzeko plana abiatu beharko dute. Fase horretan, zentrala behin betiko ixteko adierazpena sinatu beharko du Ministerioak.
EREMUA LIBRE UTZI. 15 urte baino gehiago igarotakoan, zentrala zegoen lurzorua Nuclenorren esku utziko du berriz ENRESAk. Lur-jabeak nahi edo behar duen horretarako libre geratuko da eremua, Ministerioak erabilera mugatu badezake ere.
u badezake ere.Zure interesekoa izan daiteke
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.
Navarreria kaleko harrapaketan zauritutako bi lagunak egonkor daude, bat ZIUtik kanpo
Gertatutako argitzeko ikerketak zabalik jarraitzen du.
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.
Donostiako gozoki-denda bateko jabea espetxera bidali dute, bere dendan neskato bati sexu-erasoa egiteagatik
Segurtasun Sailak ostegun honetan jakitera eman duenez, atxilotuak bi aldiz egin zion eraso adingabeari, ekainaren 25ean eta 26an; gainera, aurrekariak ditu antzeko delituengatik. Ostegun honetan epailearen esku utzi dute, eta hark espetxeratzea agindu du.
EAEko kanpinak erabat beteta egongo dira udan
Geroz eta jende gehiagok kanpinak aukeratzen ditu euren oporrak igarotzeko, besteak beste, zerbitzu ugari eskaintzen dutelako. Horren adierazle da okupazio maila: euskal kanpinak beteta daude abuzturako, eta uztailerako ere.