Errioxako ardoak ohiko garraztasuna galdu dezake klima aldaketaren eraginez
Klima aldaketak eragin zuzena izango du Arabako Errioxan ekoizten den tempranillo ardoan, izan ere, ohiko garraztasuna eta kolorea galduko ditu aurretik ez bada aldaketarik ematen mahastizaintzan. Adituek azaldu dutenez, Arabako Errioxan ekoizten den ardoaren garraztasun maila nahiko txikia da jada.
Hala ondorioztatu du Eusko Jaurlaritzak zuzentzen duen Neiker-Tecnalia Nekazaritza Ikerketa eta Garapenerako Euskal Insitutuak Nafarroako Unibertsitatearekin batera elkarlanean egindako ikerketa batek.
2012. urtean hasi ziren Arabako Errioxan ekoizten den ardoa aztertzen, eta ekainean amaitu zuten lana. Urtzi Leibar nekazaritzako ingeniariak garatu duen ikerketaren emaitzak astearte honetan aurkeztu dituzte. Neiker-Tecnalia institutuko Olatz Unamunzaga eta Ana Aizpurua ikerlariek zuzendu dute lana.
Zehazki, klima aldaketak mahatsondoetan nolako eragina izan dezakeen argitzea izan da ikerketa horren helburu nagusia. Arrazoi horregatik, urte batzuk barru izan dezakegun klimaren berezitasunak erabili dituzte: tenperatura lau gradu altuagoa, karbono dioxidoa eta hezetasun maila % 12 baxuagoa.
Gaur egungo kalitate-estandarrak kontuan hartuta, lortutako mahatsaren muztioak erabiliz kolore eta garraztasun gutxiago duten ardoak lortu daitezke. Besteak beste, prozesu guztia bederatzi egun aurreratzen delako gertatzen da hori, Olatz Unamunzaga ikerlariak jakinarazi duenez.
“Hori arazo bat da, tempranillo mahatsak garraztasun gutxi duelako berez, eta ardoaren PH mailak zertxobait jaisteko neurriak hartu behar dituztelako laborariek”, azaldu du Unamunzagak. Garraztasunari esker ardoa behar bezala kontserbatu daiteke, aldez aurretik galdu gabe.
Laborarientzako aholkuak
Neiker-Tecnaliako ikerlariaren arabera, klima aldaketak eragin zuzena izango du “halabeharrez” Arabako Errioxako ardoetan. Hala, prozesua batez beste bederatzi egun murriztuko denez, aldaketa horretara egokitzeko laborariei aholkuak eman behar zaizkiela esan du. Ezer gomendatu aurretik ikertzen jarraitu behar dutela nabarmendu du Unamunzagak, baina ureztatzean edo mahatsondoari hostoak kentzeko orduan aldaketak egitea irtenbide posible bat izan liteke.
Klima aldaketak Arabako Errioxako ardoan izango duen eragina ez dela “katastrofikoa” izango esan du Unamunzagak, eta ekoizpen prozesuan aldaketak egiten badira ez dela ondorio negatiborik egongo gaineratu du.
Horrenbestez, zenbat eta gehiago ikertu orduan eta proposamen gehiago izango dituzte klima aldaketak urte batzuk barru utziko dituen ondorioei aurre egiteko.
Zure interesekoa izan daiteke
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.