San Sebastian eguneko bandera igoera eta jaitsiera ikusteko zozketa, abian
2018an, San Sebastian egunean, Konstituzio plazako udal eraikinaren lehen solairuko balkoiak irekiko dira, 50 donostiarrek (25, egun bakoitzeko) banderaren igoera eta jaitsiera bertatik ikus dezaten. Aukeratu bakoitzak lagun bat gonbidatu ahal izango du.
Aurreko urteetan bezala, urtarrilaren 8an, 18:00etan, Udalbatza aretoan egingo den zozketa publiko baten bidez aukeratuko dituzte donostiar horiek. Zozketa horretan parte hartzeko, abenduaren 18tik aurrera eta urtarrilaren 5a baino lehen eman daiteke izena Udalinfon (bai bulegoetan bai 010 telefono zenbakian) eta Donostiako Udalaren web atarian (www.donostia.eus).
Zozketan parte hartzeko baldintzak adinez nagusi izatea eta Donostian erroldatua egotea dira. Bestalde, sarituek ezin izango dute igoera eta jaitsieraren artean aukeratu: zozketan ateratzen diren lehendabiziko 25 zenbakiek banderaren igoera ikusiko dute eta gainerakoek jaitsiera. Aukeratuek urtarrilaren 12an jaso beharko dituzte gonbidapenak, NANa aurkeztuz.
Haur danborrada
Halaber, 18 donostiarrek eta horien gonbidatuek (kasu honetan ez dago gutxieneko adinik) urtarrilaren 20ko haur danborrada Donostiako udaletxeko balkoietako batetik ikusi ahalko dute. Baldintzak eta zozketan parte hartzeko izena emateko epea banderaren igoera eta jaitsiera ikusteko berdinak dira, eta zozketa hori ere egun eta toki berean egingo da.
Zure interesekoa izan daiteke
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi egin du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.