Urkulluk 'erantzukizunez' aritzea eskatu du, ikastetxeetan tentsioa ekiditeko
Iñigo Urkullu lehendakariak "ahalik eta erantzukizun handienarekin" aritzea eskatu die hezkuntza arloko agenteei, ikastetxeetan "tentsioa" ekiditeko eta geletan "lasaitasuna" bermatzeko.
Institutu berria inauguratu du lehendakariak Ugaon (Bizkaia) eta, modu esplizituan hezkuntza arloko mobilizazioak aipatu ez baditu ere, adierazi du "elkarrizketarako, eztabaidarako eta negoziaziorako espazioak” daudela. Cristina Uriarte Hezkuntza sailburuarekin batera izan da Urkullu ikastetxe berrian.
Bertan esan du, gizartearen eskaria dela "garrantzitsua den horretan" zentratzea, eta hori hezkuntza dela. Horregatik, lehendakariak azpimarratu du "espazio hori babestu" behar dela, "hezkuntza prozesua oztopatu dezaketen tentsioen eta aldarrikapenen menpe utzi gabe".
Urkulluren hitzetan, hezkuntza hobetzea Jaurlaritzaren "erronka eta lehentasuna" da, eta gaineratu du lau eurotik bat arlora horretara bideratzen direla. Lehendakariaren ustez, euskal gizartea "jakitun" da Jaurlaritza ahalegina egiten ari dela ikastetxeetan lan egiten duten langile guztien egoera hobetzeko. Horri lotuta, esan du inbertsioak egiteaz gainera lanean arituko direla "esparru guztietan" baldintzak hobetzeko, eta bereziki aipatu ditu LEPak, errefortzu programak, ordezkapenak eta hezkuntza bereziko irakasleak. Edonola ere, irakasleen "inplikazioa berebizikoa da", Urkulluren aburuz, eta "hain erantzukizun maila altua duen lanbide gutxienetakoa" dela uste du.
Ugaoko institutu berriak 4,4 milioi euroko kostua izan du eta 2017ko irailetik DBHko lehen eta bigarren mailako 66 ikasle hartzen ditu (Ugaokoak, Arrankudiagakoak eta Zeberiokoak). 14 irakasle daude bertan.
Zure interesekoa izan daiteke
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.