Euskal Herriko Mugimendu Feminista: M8ko mobilizazioak erabateko arrakasta izan zuen
Euskal Herriko Mugimendu Feministaren arabera, Martxoak 8ko mobilizazioak "erabateko arrakasta" izan zuen eta eskerrak eman die egun horretan, herri eta hirietan, kaleak hartu zituzten emakumeei, hala nola, lanuzteekin zein grebekin bat egin zuten emakumeei. Gainera, greba eta lanuztea egin nahi, baina ezinean izan ziren emakumeei ere eman eskerrak eman die mugimenduak.
"Kaleak, plazak, egunkarietako azalak, albistegiak -herri, nazio estatu eta nazioartean- bete ditugu, eta mugimenduarentzat, bereziki, eta gizartearentzat, orokorrean, egun historikoa izan dela esateko arrazoirik badugu", ohar baten bidez adierazi duenez.
Hala, M8a "mugarria izan zen, milaka emakumek, batzuk antolatuta eta beste milaka antolatu barik, argi ikusi zuten kalera irtetea beharrezkoa dela, kolektiboki aldarria egiteko, elkarrekin bidea egiteko, eta zapaltzen eta itotzen gaituen heteropatriarkatuaren sistemaren aurka egiteko, eta egoera horri buelta emateko".
"Dagokiguna defendatzeko indarra eta giharra duen mugimendua garela ikustarazi dugu. Argi utzi dugu dena nahi dugula, eta berehala nahi dugula, ez dugula itxaroten jarraituko. Duela denbora asko baditugu sexu eta erreprodukzio eskubideei buruzko proposamenak, kohezkuntzari buruzkoak, indarkeria matxistari aurre egiteko, giza eskubideen inguruko, eta gu esplotatzen gaituen eta gure lanak ikusezin egiten dituen eredu ekonomikoa aldatzeko proposamenak", erantsi du.
Mugimendu Feministak egindako kalkuluen arabera, 230.000 emakume manifestatu ziren "Euskal Herrian, hiriburuetan eta herrietan mobilizazio jendetsuak eginez, eta horietako batzuetan azken hamarkadetako handienak izan ziren". Gainera, azpimarratu duenez, hiriburuetan ez ezik, 200 herri baino gehiagotan ere parte hartzea "oso handia" izan zen.
"Mugimendu Feministak kaleak hartu ditu eta geldiezina da. M8an erakutsi genuen belaunaldiarteko mugimendua garela, gazteen parte-hartzea nabarmendu behar dugu, baina baita pentsiodunena ere. Gainera, gure aniztasuna ere ikustarazi genuen, emakume migratzaileak, arraza ezberdinetakoak, homosexualak eta transexualak izan ziren Euskal Herriko kaleetan. Erakutsi dugu mundua geldiarazi dezakegula, orain aldatzera goaz", esan du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.