Oria ibaiak gainezka egin du Andoainen, Lasarten eta Tolosan; eta Urumeak, Hernanin
Euria gogotik bota du egun guztian zehar eta horrek hainbat arazo eragin ditu Gipuzkoako herrietan.
Oria ibaiaren ertzeko herrietan, esaterako, segurtasun neurriak hartu dituzte. Ibaia maila laranjan izan da arratsaldean, baina 19:00etan maila gorrira iritsi da, Lasarte parean.
Ur asko datorrela ikusita Andoainen bizilagunak ohartarazi dituzte. Uraren maila bat-batean igo dela esan dute bizilagunek.
Berastegitik datorren ura hartzen du Oriak eta han 118 litro metro karratuko pilatu dira 18 ordutan.
Azpeitian, Urola ibaia oso goian dagoela ikusita uholdeen kontrako protokoloa abiatu dute bai Loiola inguruan, bai herri erdian, urak zubiak ia ukitu dituelako. Urola arrisku maila laranjan dago.
Hernanin, berriz, Urumea ibaiak gainezka egin eta urez estali ditu berriro errugbi zelaia eta baratzeak.
Oiartzunen, Errenteriako mugan, ibaia irteteko zorian egon da iluntzean. Urak Jaizubiako zubi azpia estali du.
Euskalmeteko arduradunek ohartarazi dutenez, Gipuzkoa ekialdean sortuko dira arazorik larrienak.
Ibaien egoera eta eguraldi iragarpena ikusita, Eusko Jaurlaritzaren Segurtasun Sailak, larrialdi egoera ezarri du.
Gauzak horrela, krisi-mahaia bilduta dago, ondorengo orduetan gertatzen denari ahalik eta azkarren aurre egin ahal izateko.
Ume bat larri, zuhaitz bat gainera erorita
Bestalde, bost urteko haur bat larri zauritu da goizean Donostiako Oriamendi pasealekuan, Galarreta aldera, zuhaitz batek azpian harrapatu ostean. Kutxa Ekoguneko Baso Eskolara txangoa egiten ari zen Hernaniko ikastola bateko ikaslea da zauritutakoa.
15 metro inguruko zuhaitza erori da Kutxa Ekoguneko parkean dauden egurrezko etxeetako baten gainera, eta barruan haur talde bat zegoen eta horietako bat harrapatu du. Umea Donostia Ospitalera eraman dute, larri.
Zure interesekoa izan daiteke
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Martxan da ikerketa, Igorreko errugbi taldeak iruzurra egin duen argitzeko.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.