Ane eta Markel, EAEko jaioberriei gehien jartzen zaizkien izenak
Ane, nesken kasuan, eta Markel, mutilen artean, dira oraindik ere Euskal Autonomia Erkidegoko (EAE) gurasoek jaioberrientzat gehien aukeratzen dituzten izenak, 2014 eta 2016 artean jaiotakoen inguruan Eustat estatistika erakundeak egin duen azterketaren arabera.
Neskentzako izenen artean, Ane da gurasoen kuttunena, eta ondoren datoz June, Nahia, Irati, Laia eta Nora. Mutilen artean, Markelen ondotik, Jon, Aimar, Ibai, Julen eta Ander ageri dira.
Halaber, 2014 eta 2016 bitartean, neskei dagokienez, Libe eta Maren sartu dira gehien hautatzen diren 25eko zerrenda horretan, eta Aitana eta Garazi irten. Mutilen izenei dagokienez, Hodei eta Izei sartu dira 25eko zerrendan, eta Aitor eta Asier irten.
Erregistro Zibilak gehienez bi izen bakun edo konposatu bat jartzeko aukera ematen du, baina 100 izen ugarienen artean ez dago izen konposatu bakar bat ere, garai batean oso ohikoak ziren arren.
Zerrenda horretan euskal izenak dira nagusi, nahiz eta zenbait kasutan bi grafia ezberdinekin agertu: Ane-Anne, Itxaso-Itsaso, Leire-Leyre, Jon-Ion edo Aritz-Haritz. Kasu horiek bi izen ezberdin gisa tratatzen dira.
Jaioberrien amen nazionalitatea aintzat hartuz gero, atzerritar gehienek ere izen euskaldunak aukeratzen dituzte. Gehien errepikatzen diren bost neska izenen artean Nahia (hirugarren) eta Haizea (bosgarren) ageri dira. Zerrendako lehena Sara da, hebrearra; bigarrena Sofia, grekoa; laugarrena Aya, arabiarra.
Mutiko izenetan, lehen postuan Adam ageri da, hebrearra; bigarren Mohamed dago, arabiarra; hirugarren Daniel, hebrearra; laugarren David, hebrearra, eta bosgarren Ander.
Albiste gehiago gizartea
GOIDIak, urtebete: Denak huts egin zuen egunaren kronologia
Urriaren 29ko zorigaiztoko goiz hura euri-jasak eta meteorologia-zerbitzuen hainbat alerta piztu zirela hasi zen. Baina, ez erakundeak eta ez herritarrak ez ziren gai izan egoera zenbat zailduko zen aurreikusteko.
Ekoran desagertutako 82 urteko gizon baten bila ari dira
Gizonak 168 zentimetroko altuera du eta 70 kilo inguru pisatzen ditu. Mahuka luzeko txandal urdin bat eta galtza gris edo urdinak ditu jantzita.
115.000 pertsona inguru gerturatu dira Gernika-Lumora Urriko Azken Astelehena ospatzeko
310 postu dira aurten 650 urte baino gehiagoko historia duen Euskal Herriko merkatu tradizional garrantzitsuenetako honetan. Nafarroako Eulate gaztandegiak irabazi du gazta-lehiaketa eta 7.400 euro ordaindu ditu Kanala Beach jatetxeak gazta irabazlea erosteko.
Shigelosi agerraldi batek alarmak aktibatu ditu Bilbon
Eusko Jaurlaritzak bost kasu baieztatu ditu Bizkaiko hiriburuan, eta beste hiru kasu ikertzen ari da.
Osakidetzak astebete aurreratu du gripearen txertaketa herritar guztientzat Bizkaian eta Gipuzkoan
Intzidentzia hirukoiztu egin da iazko datuekin alderatuta, eta ospitaleetan % 75etik gorako batez besteko okupazioa erregistratu da.
EHUk 607 milioi euroko aurrekontu-premia duela adierazi die alderdiei
Egungo aurrekontuaren %78 "eguneroko oinarrizko gastuei aurre egiteko erabiltzen da, eta hori ez da nahikoa".
ZAINDOO, zaintzaileak zaintzeko zerbitzua aurkeztu du Jaurlaritzak
Euskal Autonomia Erkidegoan milioi erdi baino gehiago dira 65 urtetik gorako pertsonak, biztanleriaren % 23. Zainketa-premia gero eta handiagoa denez, Eusko Jaurlaritza zaintzaileak ere babestuko dituzten tresnak garatzen ari da. Zaintzaileei laguntzeko tresna horietako bat ZAINDOO izeneko mugikorrerako aplikazio bat da, eta dagoeneko mila pertsona inguruk erabiltzen dute.
Chat GPTren elkarrizketa-funtzio erotikoak erabiltzaileen datu pribatuak arriskuan jar ditzake
Erabiltzailearen identitatea, helbidea, metadatuak eta elkarrizketen edukia bildu eta hainbat helburutarako erabiltzen ditu gailuak.
Gizon bat atxilotu dute Irungo kirol-instalazio batzuetako aldageletan emakumeak grabatzeagatik
Gertakariak joan den larunbat goizean izan ziren, herriko kirol-instalazioetako emakumeen aldageletan. Arropaz aldatzen ari zen emakume bat ohartu zen gizon bat gailu mugikor batekin grabatzen ari zitzaiola, gizonen eta emakumeen aldagelak bereizteko hormaren goiko aldetik.
Pradales lehendakariak gripearen aurkako txertoa hartzeko deia egin die herritarrei, gripea goizago etorri delako aurten
Lehendakariak dei egin dio gizarteari ez lasaitzeko gripearen eraginaren aurrean, eta txertaketa-erritmoa handitzeko, aurten intzidentzia aurreratu egin baita EAEko herritarren artean, batez ere, Bizkaian. "Txertoa jarrita, urteroko gripea saihets dezakegu. Txertoa jarrita ondoezik eta ohean astebetez egotea saihets dezakegu. Eta txertoak, ez dezagun ahaztu, bizitza salbatu diezaguke”, adierazi du Pradalesek.