Hilketa matxista bikoitza gaitzesteko ehunka lagun bildu dira Gasteizen
Gasteizko mugimendu feministak deituta, ehunka lagun bildu dira larunbat arratsalde honetan Gasteizen, ostiral goiz honetan Gasteizen izandako hilketa matxista gaitzesteko. 46 urteko gizonezko batek bere bikotekide ohia eta haren ama hil ditu Arabako hiriburuko etxebizitza batean. Horrelako krimenekin amaitzeko asmoz, mobilizatzera deitu ditu herritarrak elkarte feministak.
Mila pertsona inguruk Gasteizko erdigunea hartu dute, 'Aski da! Erasorik ez erantzunik gabe' lemapean. "Jazotakoa salatzeko gaude hemen, eta oso haserre gaude", adierazi du Yolanda Muñoz Gasteizko Biltzar Feministaren bozeramaileak. Gainera, mobilizaziorako deia egin du, "behin betikoz" indarkeria matxistarekin amaitzeko. "Hiltzen gaituen indarkeria matxistaren aurka borrokatzeko deitu nahi ditugu herritar guztiak", gaineratu du.
Jaurlaritzaren babesa
Bestalde, Estefania Beltran de Heredia Segurtasun sailburuak larunbat honetan Radio Euskadin adierazi duenez, ustezko hiltzailearen aurka ez zegoen indarkeria matxistarekin lotutako salaketarik edo epairik. Gainera, elkartasuna adierazi die bi emakumezkoren senideei, eta gogoratu du bi adingabe daudela, hildakoren baten seme-alabak, eta horiei babesa eskaintzearen alde egin du.
Lepoa moztu die
Gertarakaria ostiral goiz honetan jazo da. Gizonezko batek bere bikotekide ohia eta haren ama hil ditu, arma zuriarekin lepoa moztuta, Julian Arrese kaleko 6. zenbakian, Gasteizko Lakua auzoan. 46 urteko ustezko hiltzaileak, gainera, etxebizitzari sua eman dio, eta zortzi pisuko altuera batetik suhiltzaileek jarritako lona baten gainera salto egin du.
Larunbat honetan alta eman diote Santiagoko Ospitalean, eta Gasteizko ertzain-etxera eraman dute, epailearen aurrera izango den zain.
Umeen amonak eta haren senarrak, nahiz eta Gasteizen jaio ez, Pilarreko auzoan ia bizi osoa eman dute, familiaren hurbilekoek jakinarazi dutenez.
---------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.