Milaka euskaltzale bildu dira Senperen, Herri Urrats jaiaz gozatzeko
Beste urte batez euskaltzaleak Senpereko aintziraren inguruan biltzen ari dira maiatzaren 13an Herri Urrats, Iparraldeko ikastolen aldeko festa, ospatu eta euskarari beste bultzadatxo bat emateko asmoz. Eguna triste esnatu bada ere, eguzkia atera da eta eguraldia lagun dute bertaratuek.
Aurten, hala ere, festak aldarrikapenarekin bat egingo du, eta Behe Nafarroako Larzabaleko Manex Erdozaintzi ikastolari laguntzeko dirua biltzeaz gain, Seaska, Iparraldeko ikastolen elkarteak, Frantziako Gobernuarekin irakasle kopuruaren inguruan daukan eztabaida berriz ere plazaratu eta euren eskariei oihartzuna emateko baliatzen ari dira jaia.
Gaur egun, Iparraldeko ikastolen ikasle kopuruak goraka jarraitzen du, eta 3.800 inguru dira jada. Ikasleen kopurua hazi den arren, irakasleenak bere horretan jarraiten du. Seaskaren iritziz, 25 irakasle gehiago behar dira irakaskuntza duina bermatzeko. Parisek, aldiz, lau irakasle berri baino ez ditu esleitzen.
Seaskako buruek Frantziako Gobernuarekin hitzarmen berri bat negoziatu behar dute datozen urteetarako eta kopuru horiek txukun zehaztu nahi dituzte. Ur Gorostiaga Seaskako zuzendariak honela azaldu du gatazka Euskadi Irratian: Gorostiaga: 'Irakasle horiek gabe, ez dugu ikasturtea abiatuko'
Jendea kontzertu baten zain, aurtengo Herri Urratsean. Argazkia: Olaia Otxoteko
Guneak eta programazioa
Lakuaren inguruko ibilbidea 7 gunek osatzen dute; Herri Urratseko gune bakoitza probintzia bat da eta horietan kontzertuak nahiz ekintza ezberdinak antolatu dituzte.
Arabako gunean esaterako, Korrontzi, Anita Parker eta Joseba Tapia eta Besamotzak bezalako taldeez gozatzeko aukera izango dute bertara hurbiltzen direnek.
Nafarroan, aldiz, Oihan Vega, 2zio eta Nogen taldeak arituko dira, besteak beste. Bizkaian bertsolarian entzuteko abagunea egongo da, eta Gipuzkoan zuzeneko dantzaz gozatzeko aukera egongo da.
Haurrek ere izango dute entretenitzeko aukera eta Araba, Xibero eta Lapurdi guneetan izango dute horretarako aukera. Hirutxuloko lagunak ere Senperera hurbilduko dira, zehazki Araba eta Xiberora. Baxe Nafarroak Erronka hartuko du.
Aldarrikapenak
Ikastolen garapenaren aldeko mezu positbo bat zabaldu nahi dute "Prefosta" leloarekin. Baina hala ere, orain arte lortu dutena borroka bidez lortu dutela gaineratu dute.
Behe Nafarroako Larzabaleko Manex Erdozaintzi ikastolari lagunduko dio aurtengo edizioak. Zuberoatik ikasleen herena joaten da Behe Nafarroako ikastola horretara.
2zio taldea arduratu da aurtengo abestiari musika jartzeaz. Osei Barroso izan da letra asmatu duena.
Aplikazioa
Aurtengo edizioa berrikuntzekin dator, eta horietako bat da sortu duten aplikazioa.
Guneetara hurbiltzen direnek, aplikazioaren bitartez, eurak dauden guneko programazioa edota gainontzeko gunetako programazioa kontsultatzeko aukera izango dute.
Zure interesekoa izan daiteke
"Eklipsea zentzumen guztiekin bizi beharreko esperientzia da"
Ana Ursua astrofisikari eta "eklipse-ehiztariaren" hitzetan, eguzki-eklipse osoa "naturaren ikuskizunik zoragarriena da", fenomeno zientifiko eta emozional paregabea, hain zuzen ere.
Heldu da egun historikoa: gaurko eklipseaz gozatzeko jakin beharreko guztia
Duela mende bat baino gehiago ikusi zen azkenekoz eklipse oso bat Euskal Herrian, eta hurrengoa 375 urte barru izango dugu. Hemen hainbat jakingarri azalduko ditugu: non ikusi, ordutegiak eta begiak nola zaindu, besteak beste. Orain–ek zuzenean eskainiko du eklipsea, Bardeatik, 19:00etatik aurrera.
Laredoko alkateak ukatu egin du herrian euskal udatiarren aurkako jazarpenik dagoenik
Laredon uda igarotzen duten hainbat familiak salatu dutenez, euskal herritarrak izate hutsagatik egin diete eraso. Hala ere, alkateak ukatu egin du "euskal herritarren kontrako jazarpenik dagoenik", eta kasu bakanak direla ziurtatu du.
Horrela bizi izan zuten lurrikara Kolonbian dauden hainbat euskal herritarrek
Kolonbian dauden euskaldun batzuekin hitz egiteko aukera izan dugu. EHUko medikuntzako ikasle batzuekin eta lagun talde gipuzkoar batekin izan gara. Oraindik gorputzetik beldurra kendu ezinik daude, baina eskertuta onik daudelako.
Osakidetzak arreta oftalmologikoa indartuko du Larrialdietan, eklipsearen ondorioei aurre egiteko
Euskal Osasun Sistemak etengabe jarraituko du asistentzia-jarduera eklipsearen egunean eta ondorengoetan, baliabideak egokituz eta espezialistak aktibatuz.
Villalibado, NASAk eklipsea ikusteko aukeratutako herria
NASAko eta San Frantziskoko Exploratoriumeko 30 bat ikertzailek Villalibado hartu dute, Burgosko probintziako herri erdi abandonatu bat, eguzki-eklipsea jarraitzeko. Fenomeno astronomikoa aztertuko dute eta, gainera, zuzenean emango dute, 10 milioi pertsonak baino gehiagok ikusteko aukera izan dezaten.
Kezka nagusi Euskadin bizi diren kolonbiarren artean: "Komunikazioak kolapsatuta daude"
Johana Garcia Osorio Euskal Herrian bizi diren 19.000 kolonbiarretako bat da. Lurrikara gertatu zenetik, ez dute izeba baten berririk.
Jaurlaritzak LABI alerta-fasean ezarriko du, eguzki-eklipsea eta tenperatura altuengatik
Dispositibo berezia asteazken honetako 15:00etan abiatuko du. Eklipsea gertuko leku batetik behatzea, joan-etorriak saihestea eta betaurreko homologatuak bakarrik erabiltzea gomendatu du Jaurlaritzak.
Asteazkenean hegazkinez bidaiatuko duzu? Hona hemen eklipsea airetik ikusiko duten hegaldiak
19:30etik 20:45era bitartean, dozenaka hegaldik zeharkatuko dute penintsula. Hona hemen eklipsearen den unean airean egongo diren hegaldien zerrenda.
Euskal Herrian eguzki eklipse osoa Fiteron ikusiko da luzaroen
Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.