460 milioiko aurrekontua izango duen laugarren Familia Plana onartu du Jaurlaritzak
Eusko Jaurlaritzak 2018-2022rako Familia Plana onartu du, familiei laguntza emateko eta lanaren eta bizitza pertsonalaren arteko kontziliazioa bultzatzeko. Urkulluren Gobernuak ia 460 milioiko gastua aurreikusten du datozen lau urteetan plana garatzeko.
Plan horren baitan, seme-alabaren bat duten kideek umeak zaintzeko lau hileko baimena izango dute 2019tik aurrera. Zehazki, dagoeneko guraso diren kideek haurrak zaintzeko 12 asteko (lau hilabeteko) ordaindutako eszedentzia eskatzeko aukera izango dute datorren urtetik aurrera. Guraso berriek, ostera, 2022ra arte itxaron beharko dute baimen hori izateko.
IV. Plana bost ardatz nagusitan banatzen da. Lehenengoa gazteen emantzipazioa eta familia berrien eraketari buruzkoa da eta helburu nagusiak jaiotze tasa handitzea, kontziliazio erantzukidea areagotzea eta egun lan-eszedentziara bideratutako diru-laguntzak aitatasun baimenetara berbideratzea dira.
Beatriz Artolazabal Enplegu eta Gizarte Politikako sailburuaren esanetan, plan honen bitartez % 20 murriztuko da haurren pobrezia tasa, 25 eta 44 urte bitarteko biztanleen okupazio tasa % 80ra arte areagotuko da, emakumeen ugalkortasunaren egoeraren adierazlea 1,50era igoko da, % 25 haziko da 1 urteko umeen arteko eskolatze tasa garbia, etxeko zaintzaren inguruko arrakala % 50 murriztuko da eta gazteen batez besteko emantzipazio tasa igoko da.
Planaren garapenak ia 460 milioiko gastua aurreikusten du 2018aren eta 2022aren artean. 460 milioi horietatik 286 Gizarte Politiketako Sailburuordetzaren neurrietarako erabiliko dira, bereziki, kontziliazioaren eremuan (286 milioi).
Halaber, 785 milioi euro seme-alabak dituzten familientzako errentak bermatzeko politiketara eta gazteen enplegurako programetara bideratuko dira, 220 milioi Haurreskolak Partzuergora, 250 milioi beketara, 50 milioi gazteentzako etxebizitza politiketara, 1.575 seme-alabengatik ematen dien kenkarietara eta 415 milioi gizarte-zerbitzuetara.
Artolazabal sailburuak zehaztu duenez, Familia Plan berriak "gutxieneko baliabide ekonomikoak bermatuko dizkie seme-alabak dituzten familia guztiei eta haur pobrezia prebenituko du". Gaineratu duenez, denboraren antolaketa egokiagoa sustatuko du gurasoek beren seme-alabei beharrezko denbora eskaini diezaieten.
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia heldu da, eta programazioaren zati handi bat kolokan dago teknikarien greba dela eta
Blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatuko dute. Ikuskizunetako teknikarien grebak La pasión infinita lanaren funtzioa bertan behera uztera behartu du dagoeneko, eta programaren beste ekitaldi batzuk loka jarri ditu.