Guraso-baimena 36 asteraino luzatu daiteke, bi kideak funtzionarioak direnean
Bikote bateko bi kideak EAEko administrazio publikoko langileak badira, horiek har ditzazketen guraso-baimenak, batarenak eta bestearenak gehituta, 36 asteraino luza daitezke. Neurri hori jaso du Eusko Jaurlaritzak Enplegu Publikoaren zirriborro berrian.
Andres Zearreta Funtzio Publikoaren sailburuordeak aurkeztu die zirriborroa gaur sindikatuei, Administrazio Publikoaren Mahai Orokorrean. Jaurlaritzak Legebiltzarrera eraman nahi du testu berria urtea bukatzerako, bertan eztabaidatu eta onartzeko.
Sindikatuek ez dute begionez hartu Zearretak mahai gainean jarritako proposamena, eta guraso-baimenen atala "propaganda hutsa" dela salatu dute. Zentralen iritzian, behin behinekotasunari eta murrizketei aurre egiteko neurririk ez du jasotzen testuak, eta zerbitzuen pribatizazioari bere horretan eusten dio. Langile publikoen lan-baldintzak hobetzeko, negoziazio kolektibo eraginkor baten aldeko apusturik ere ez dute ikusten sindikatuek.
Hedabideen aurreko agerraldian, sailburuordeak guraso-baimenen inguruan erabakitakoa nabarmendu du. Zearretaren hitzetan, jaiotza, adopzio, harrera edota subrogazio kasuetan hartu ahalko dira guraso-baimenak.
Hiru baimen mota
Jaurlaritzaren proposamenak hiru baimen mota jasotzen ditu. Onartuz gero, bikoteko bi kideek hartu ahalko dituzte baimen horiek, sexuaren araberako bereizketarik gabe.
Guraso-baimen orokorra 16na astekoa izango da bikotekide bakoitzarentzat, % 100 ordainduta.
Orain arte edoskitze-baimen modura ezagutzen dena, 12 hilabete baino gutxiagoko semea edo alaba zaintzeko baimena izatera igaroko da: guraso baimenari gehituko zaio, eta bikotea osatzen duten bi pertsonetako edozeinek eskatu ahal izango du, sexua edozein izanda ere.
Azkenik, lehen mailako senideak zaintzeko baimena (aita, ama edo seme-alabak) ere jaso du Jaurlaritzak zirriborroan.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.