Laneko zigorra kendu diote 'La Manada'ko militarrari, baina ez diote posturik emango
Espainiako Defentsa Ministerioaren Aldizkari Ofizialak astearte honetan argitaratu duenez, Alfonso Jesús Cabezuelo 'La Manada'ko militarrari ezarri zioten lanerako zigorra kendu egin diote, eta beraz, beharrera itzultzeko baimena du. Cabezuelori, 'La Manada'ko gainerako kideei bezala, bederatzi urteko kartzela zigorra ezarri zion Nafarroako Auzitegi Nagusiak 2016ko sanferminetan emakume bati egindako sexu-abusua egotzita. Epaia, ordea, ez da irmoa eta militarra aske dago.
Albistea eldiario.es egunkari digitalak zabaldu du gaur, filtrala.org filtrazioak egiteko buzoian jasotako informazioari esker. Berria ezagutu ondoren oharra kaleratu du Defentsa Ministerioak zehaztuz lanerako baimena izanda ere, ez diotela posturik emango.
Defentsaren oharraren arabera, "ezin zitekeen etena indargabetu, legeak hala zehazten duelako". Nolanahi ere, Ministerioak "postu bat emateko debekua" ezar dezake, "egotzitako gertakariak eta horien garrantzi soziala kontuan hartuta". Epaia irmo izan arte manten daiteke egoera hori.
Araudiak zehazten duenez, "militar profesional baten zereginen etetea ezar daiteke zigor arloko auzi batean auzipetzen badute edo falta larri batengatik horren kontrako diziplinazko prozedura abiatzen badute". Hain justu, Cabezueloren kasuan horixe egin zuen Defentsa Ministerioak 2016ko uztailean.
Dena dela, araudiak muga ezartzen dio etenaldi horri: "Gehienez sei hilabete edo badaezpadako kartzelaldiak irauten duena —sei hilabete baino gehiagoz luzatzen bada—".
Roberto Villanueva jeneral eta Giza Baliabideetako zuzendariak uztailaren 4an sinatu zuen ebazpena, eta ekainaren 22tik dago indarrean. Erabakiaren kontrako gorako errekurtsoa aurkez daiteke hilabeteko epean.
Era berean, Antonio Manuel Guerrero guardia zibil zigortua antzeko egoeran dago: “aktibo, baina posturik gabe”. Ondorioz, oinarrizko soldata jasotzen ari da epai irmoa izan arte, Guardia Zibileko iturriek azaldu dutenez.
Guardia Zibilak 29 urteko Antonio Manuel Guerrero agenteari diziplinazko espedientea zabaldu zion, sexu-erasoan parte hartu eta atxilotu ondoren. Espedientearen arabera, 'La Manada'ko kideari laneko zigorra ezarri zion Guardia Zibilak.
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.