Auto batek su hartu du N-634 errepidean, Usurbilen, matxura mekaniko batek eraginda

Donostiarako bidean zihoan auto batek su hartu du gaur eguerdian N-634 errepidean, Usurbilen (Gipuzkoa), Eusko Jaurlaritzako Trafiko Zuzendaritzak jakinarazi duenez. Sutearen ondorioz, errepidea guztiz zarratu behar izan dute, eta ilarak sortu dira. 13:00etarako, zabalik zegoen berriro.

Iturrion arabera, matxura mekaniko batek eragin du sutea, 11:45ean. Donostiako suhiltzaileak bertaratu dira garrak amatatzera, eta lanean aritu diren bitartean, erabat itxita egon da errepidea.

12:15ean, errei bat zabaldu dute, eta ibilgailuak txandaka pasarazi dituzte. Hori dela eta, ilarak sortu dira. 13:00etan zabaldu dute berriro errepidea guztiz.