Gazteluetako gaztearen psikiatrak dio ezinezkoa dela haren kontakizuna gezurra izatea
Iñaki Vilar psikiatrak Leioako (Bizkaia) Gaztelueta ikastetxeko ikasle ohiaren egoeraren berri eman du astelehen honetan Bizkaiko Lurralde Auzitegian, gazteak salatutako sexu-abusuak direla eta bertako irakasle baten kontra egiten ari diren epaiketaren laugarren saioan. Medikuak azaldu duenez, "ezinezkoa da 12 urteko mutiko batek sexu-abusuak pairatu dituela asmatu izana, eta hamar urtez kontakizun horri koherentzia osoz eustea". Halaber, gazteak gar egun 22 urte dituen arren, "oraindik min handia" pairatzen jarraitzen duela gaineratu du.
"Ezinezkoa da gazteak esandakoa gezurra izatea, psikosi agerraldi bati erantzutea edota bestelako gaixotasun psikiatriko baten ondorioz kontakizuna asmatu izana", esan du azken zazpi urteotan Gazteluetako ikasle ohia artatu duen psikiatrak. "Trauma batek eragindako sindromea dauka, bi urtez -2008tik 2010era- bizipen beldurgarria bizi izan zuelako bere tutorearen eskutik. Haren ikaskideen aurrean barregarri utzi zuen, eta, geroago, bere gorputza erabili zuen iraindu eta nahi zuen guztia egiteko. Horretan datza tortura", esan du medikuak.
Gazteak jarritako salaketaren arabera, duela hamar urte jasan zituen sexu-abusuak, Bigarren Hezkuntzako lehen eta bigarren mailako ikasketak egiten ari zela. Fiskaltzak hiru urteko kartzela-zigorra eskatu du haren irakasle izan zenarentzat, "sexu-abusu jarraitua" egotzita. Ikasle ohiaren familiaren abokatuak, berriz, hamar urteko kartzela-zigorra eta biktimarengana urreratzeko debekua jartzea eskatzen du akusatuarentzat.
Defentsak, ordea, akusatua aske uzteko eskaera egin du. Izan ere, orduan adingabea zenaren salaketa "oroitzapen faltsuetan" oinarrituta dagoela dio. Dena dela, gaurko saioan epailearen aurrean deklaratu duen psikiatra adituak berretsi duenez, ikasle ohiak "ez du gezurrik esan", baina epaimahaiak egindako galderak oinarri hartuta bere bizipenak kontatzen dituela esan du.
Alabaina, orain arte ezin izan dela gaztearekin elkartu zehaztu du psikiatra adituak, eta epaimahaiaren aurrean esandakoa kontuan izanik ondorio horiek atera dituela esan du. Halaber, frogatutzat eman du ikaskideek tratu txarrak eman zizkiotela klasean eta sare sozialen bidez, baina salatutako sexu-abusuak "oraindik frogatzeke" daudela azpimarratu du. Gaur deklaratu duten mediku guztiak -psikologo bat eta bi psikiatra- bat etorri dira esanez iritzi profesionala eman ahal izateko ezinbestekoa dela ikasle ohiarekin aurrez aurre egotea, gaztea bertatik bertara ikusi eta entzuteko.
Iñaki Viarrek nabarmendu duenez, hamar urte igaro diren arren "kontakizun horri koherentzia osoz eutsi dio gazteak".
Albiste gehiago gizartea
Bilboko Garcia Rivero kaleak baldosa guztiak altxatu beharko ditu berriro, akastunak direlako
Bilboko Garcia Rivero kaleko lanak bukatzear daudela, udalak erabaki du kaleko obrei berriro ekitea, baldosa akastuak direla eta. Inguruko merkatariak oso atsekabetuta daude obraren prozesuarekin, Aste Nagusia gertu dutela
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.
Bilboko Konpartsetako 13 txosnak ez dute Coca-Cola salduko Palestinako herriari elkartasuna adierazteko
Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartelek ez dute produktu hori salduko.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).
Gallartako ostalaritza-lokal bateko jabeak eta zerbitzaria atxilotu dituzte, droga-trafikoagatik
Lokalaren eta atxilotuen etxebizitzetako erregistroetan, ia 200 gramo kokaina, MDMA dosiak, haxix-bolak eta tabletak, droga pisatzeko eta dosifikatzeko beharrezko tresnak, gama altuko bi ibilgailu eta 411 000 euro atzeman ditu Guardia Zibilak.
Aretxabaletako osasun etxe berriak datorren astelehenean irekiko ditu ateak
Eusko Jaurlaritzak 5 milioi euro inguruko inbertsioa egin du 21 kontsulta eta lau solairu izango dituen zentro berria eraikitzeko. Berritasun gisa, lau solairuetako bat gizarte zerbitzuetara eskainiko da.