Gazteluetako ikasle ohiaren kontakizuna egiazkoa eta koherentea da, forentseen ustez
Gazteluetako ikasle ohiaren kontakizuna egiazkoa eta koherentea dela esan dute auziko txostenak egiteaz arduratu ziren Balorazio Integraleko Unitateko psikologoek eta Auzitegiko Medikuntzako Euskal Institutuko psikiatrek. Hain zuzen ere, kontaketa "koherentea" eta "kontraesanik gabekoa" dela adierazi dute adituek. Ikasle ohiak salatu zuenez, irakasle batek sexu-abusuak egin zizkion Gazteluetan bertan.
Epaiketaren bosgarren saioan, asteazkenean, egin dituzte adierazpen horiek adituek, Bizkaiko Probintzia Auzitegian, hantxe ari baitira epaitzen 2008an eta 2009an Leioako ikastetxe horretan 12 urteko ikasle bati ustez sexu-erasoak egin zion irakaslea.
Hiru urteko espetxe-zigorra eskatu du Fiskaltzak akusatuarentzat, baita 40.000 euroko kalte-ordaina ere, eta egun 22 urte dituen biktimaren abokatuak (akusazio partikular gisa ari da auzian), hamar urteko kartzela-zigorra eta biktimarengana gerturatzeko debekua.
Defentsak, berriz, akusatua absolbitzeko eskatu du, ikasle ohiak "oroitzapen faltsuak" dituela argudiatuta.
Esan bezala, auzitegiko lau perituk deklaratu dute asteazkeneko saioan. Birritan ikusi zuten gaztea adituek: 2015eko abenduan eta 2016ko urtarrilean, 19 urte zituenean. Aditu guztiek nabarmendu dutenez, gazteak "ez du lekukotasun faltsu bat emateko presiorik jasan". Gainera, biktimak "esperientzia disruptiboa" izan zuela eta horrek ere "ezinegona" sortu ziola gaineratu dute.
Zure interesekoa izan daiteke
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.