Ikasleak sexu-abusuetatik babesteko neurriak eskatu dizkio Ganberak Jaurlaritzari
Ikastetxeetan gerta litezkeen sexu-indarkeria kasuen aurrean, adingabeak babesteko neurriak hartzeko eskatu dio gaur Eusko Legebiltzarrak Gobernuari. Hala, eskolaren batean "gehiegikeriengatik salaketa edo epairen bat egonez gero" ikuskaritza indartzea eta prebentzio eta jardun-protokoloa garatzea galdegin du.
Elkarrekin Podemosen ekimenez burutu da eztabaida, baina PPk ez beste talde guztiek adostutako erdibideko testu bat onartu du azkenean Legebiltzarrak. Alderdi Popularrak kontra bozkatu du. Idatzian "elkartasuna" adierazi die Ganberak sexu-abusuen biktimei eta senideei.
Elizari ere zuzendu zaio Legebiltzarra. Biktimak "babesteko" eta abusuak "prebenitzeko" neurriak eskatu dizkio. Horrez gain, "Elizarekin nolabaiteko harremana duten ikastetxeetan salatzen diren kasuak argitzeko, zigortzeko eta erreparazio osoa ahalbideratzeko" deia egin dio.
Onartutako idatziak ez du Gaztelueta auzia hitzez hitz aipatzen —Elkarrekin Podemosen ekimenean bazegoen, baina kendu behar izan dute, EAJ akordiora biltzeko— . Dena dela, auzi hori hizpide izan dute legebiltzarkide gehienek.
PPkoak salbu, gainerako alderdietako bozeramaileek Imanol Goyarrola Gazteluetako zuzendariaren adierazpenak kritikatu dituzte 11 urtera zigortutako irakasle ohiaren errugabetasuna defendatzearren. Hain justu, Juan Cuatrecasas biktimaren aitak bilkura jarraitu du gonbidatuen jesarlekuetatik.
Garrido (PP), Arrizabalaga (EAJ), Rojo (PSE-EE) eta Arana (Elkarrekin Podemos), testua adosten. Argazkia: EFE
"Halako kasu baten aurrean inoiz egin behar ez dena egin da Gaztelueta auzian", esan du Eukene Arana Elkarrekin Podemoseko legebiltzarkideak. Horren ustez, Goyarrolaren adierazpenak "lotsagarriak" izan ziren. Juan Cuatrecasas biktimaren aitarentzat esker oneko hitzak izan ditu Aranak, "erakutsi duen ausardiagatik eta egindako lanagatik". "Guk, Elkarrekin Podemoseko kideok, sinesten zaitugu", erantsi du.
Oihana Etxebaerrieta (EH Bildu) legebiltzarkideak ere gogor salatu du Gaztelueta ikastetxeko zuzendaritza: "Erasotzailea defendatu zuten, eta gaztea berriro biktima egin. Gu ere zuekin gaude, eta biktima guztiekin".
Natalia Rojo PSE-EEko kideak ere Opus Deiko eskolako zuzendariaren jarrera kritikatu du. Horren iritziz, Hezkuntza Sailak "zer edo zer egin beharko luke horren aurrean".
Leixuri Arrizabalagak (EAJ), aldiz, "zorroztasunez eta zuhurtziaz" aritzeko eta "diskurtso populistak saihesteko" eskatu du. Gazteluetako zuzendariaren adierazpenak hizpide, "zoritxarrekoak" izan zirela onartu du baina esan du, itunpeko zentroa denez, Hezkuntza Sailak ezin duela kargutik kendu.
Laura Garridok, bestalde, "zero tolerantzia" eta "irmotasunez jokatzea" eskatu du, "baloreetan, errespetuan eta duintasunean" oinarritutako hezkuntza aldarrikatzearekin batera. Halaber, biktimen babeserako prebentzioan lan egitea exijitu die botere publikoei.
Gazteluetako ikasle ohiaren aitak "arrakastatsutzat" jo du onartutako testua, nahiz eta atsekabetuta azaldu den bere semearen kasua ez aazaltzeagatik. Gainera, eztabaidan PPk "horri buruzko aipamenik egin ez izana" eta EAJk "zeharka baino aipatu ez izana" kritikatu du.
Zure interesekoa izan daiteke
Berbaz eta kantuz eman diote hauspoa euskarari euskalgintzako hainbat eragilek
Aktore, musikari zein bertsolariak igo dira oholtza gainera euskararen aldeko ekitaldian, eta ikuskizun musikatua eskaini dute Gorka Urbizuk, Maia Ibarnek eta Gontzal Mendibilek, besteak beste. Ane Labaka eta Sustrai Colina bertsolariak ere izan dira taula gainean. Txalo zaparrada batekin eta kantuan bukatu dute aldarrikapen artean abiatu den hitzordua.
Milaka lagun bildu ditu Euskalgintzaren Kontseiluak Bilbon, euskararen aldeko pizkundearen akuilu izan daitezen
Euskararen aldeko pizkunde berri baten premia gizarteratzea eta hizkuntza-politiketan jauzia emateko adostasun soziopolitikoa bultzatzea helburu duen ekitaldia egin dute Bilbao Arenan. 2026ko ekainaren 13rako hitzordua ere jarri dute euskaltzaleek.
23 urteko emakume bat desagertu da Donostian, eta Ertzaintzak ikerketa zabaldu du
Asteazkenean ikusi zuten azkenekoz, Gabon gauean, eta familiak ostiralean aurkeztu zuen salaketa.
Bost urte dira COVID-19aren aurkako lehen txertoak jarri zituztenetik
Bizkaian txertoa jaso zuen lehen emakumea eta txertoa jarri zion erizaina elkartu ditu EITBk, bosgarren urteurrenean. Ikusmina, beldurra, itxaropena eta mesfidantza agerikoak ziren orduan, bizitzen ari ginenarekin zerbait historikoa baitzen. Txertoak iritsita, egoera hobetzen joan zen. Une haiek gogoratu dituzte Begoñak, Itxasok eta Jorgek.
Animaliarik gabeko azoka egin dute Elgoibarren, dermatosi nodularraren ondoriozko debekua berriro ezarri ondoren
Dermatosi nodularrak kezka sortzen jarraitzen du lehen sektorean. Euskal Herrian ez da oraingoz kasurik atzeman, baina Frantzian kasuak ugaritzen ari direla eta, prebentzio modura, ferietan abereak azaltzea debekatu dute berriro. Eta neurri hori betetzen lehen azoka, Elgoibarko Gabon Zaharrekoa izan da.
Espetxeratu egin dute Azkoitian Gabon gauean sexu-erasoa egiten saiatzeagatik atxilotutako gizona
Guardiako epailearen aurrean deklaratu ondoren, epaileak badaezpada espetxeratzeko agindu zuen, sexu-eraso saiakera egotzita.
Idurre Eskisabel: “Euskarak larrialdi linguistikoan jarraituko du ezer egiten ez bada, baina badu irtenbidea”
Euskarak gaur egun bizi duen larrialdi linguistikoa gorabehera, Idurre Eskisabel Euskalgintzaren Kontseiluko idazkari nagusiak azpimarratu du egoerak irtenbidea duela. Euskararekiko atxikimendu soziala funtsezko faktorea dela nabarmendu du, baina norbanakoaren konpromisoa ezinbestekoa den arren, berez ez dela nahikoa eta erantzun estruktural eta politika publiko sendoak behar direla azpimarratu du.
Coruñako aireportua zabaldu dute, pistan basurde bat ikusi ostean hainbat orduz itxita egon eta gero
Madrildik eta Milandik abiatu eta Galiziako aireportuan lur hartu behar zuten bi hegaldi beste aireportu batzuetara bideratu dituzte, eta beste bi aireratzeko baimena noiz emango zain geratu dira.
Behe-lainoak zaildu egin du aireko trafikoa Loiun, eta sei hegaldi desbideratu dituzte
Bost hegaldi Santanderrera desbideratu dituzte, Loiu-Barajas konexio bat bertan behera geratu da, eta atzerapenak izan dira beste hiru hegalditan.
Arrasaten erositako txartel bati egokitu zaio Euromillonesen 54 milioi euroko saria
Txartela Arrasateko 66455 loteria administrazioko bulegoan saldu zuten, Musakola auzoko Eroski merkataritza zentroan.