Gripeak denboraldiko maila altuena harrapatu du
362,4 kasu 100.000 biztanleko, gripearen atalase epidemikoa (52,46 kasu) halako sei eta aurreko astekoaren ia bikoitza (188 kasu). Gripeak gora egiten jarraitzen du, eta joan den astean, urtarrilaren 7tik 13ra, denboraldiko maila altuena harrapatu du, Osakidetzak ostegun honetan emandako datuen arabera.
Eusko Jaurlaritzako Osasun Saileko bozeramaileek eitb.eus-i jakinarazi diotenez, dena den, tasa "normala" da honakoa.
Aurreko astean, gripearen sindromea zuten pertsonen 6.716 kontsulta izan dituzte Lehen Mailako Arreta Sarean. Bizkaia da, oraingoz, asistentzia-eskari gehien izan duen lurraldea.
Urtarrilaren 7a eta 13a bitarteko astean, bederatzi lagun hil dira gaixotasunak jota. Denboraldia hasi zenetik, 19 pertsona zendu dira eta 500 lagun ospitaleratu dituzte (165 kasu larri egon dira).
Gaixo larrienen batez besteko adina 64 urtekoa izan da, eta nabarmendu behar da arrisku-kasutzat hartu zituzten gaixoen % 53,5ek ez zutela txertoa jarrita.
"Gripearen berezko sintomak nabaritzen badira, osasun-baliabideak arduraz erabiltzea" gomendatu du Osakidetzak. Hala, osasun-sistema bera kolapsatzea saihestuko da. Izan ere, gogorarazi dutenez, "gripea gaixotasun desatsegina da, baina onbera biztanle osasuntsuetan, eta ez du tratamendu berezirik. Beraz, atsedena hartzea, likido ugari hartzea eta sukarra arintzeko antitermikoak hartzea dira gomendio nagusiak".
Iaz 86 pertsona hil ziren gripeagatik, eta 2.000 lagun ospitaleratu zituzten gaixotasunak eragindako konplikazioengatik. Jarduera-tasa altuena 100.000 biztanleko 418 kasukoa izan zen.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.