Txirrindulari bat hil da auto batek harrapatuta, N-633an, Markina-Xemeinen

39 urteko txirrindulari bat hil da da astearte goizean, furgoneta batek harrapatuta, N-633an, Markina-Xemeinen (Bizkaia), Gurutzetako Ospitaleko iturriek eitb.eus-i baieztatu diotenez. Hildakoa markinarra zen.

Istripua 10:10ean izan da. Helikoptero bat bertaratu da biktima artatzeko eta zauritua Gurutzetako Ospitalera eraman du, konortea galdu baitu. Bizi-konstanteak berreskuratzeko, 25 minutuz bihotz-biriketako bizkortzea egin behar izan diote.

Txirrindularia Gurutzetako Ospitalean hil egin da ordu batzuk geroago, iturriek jakinarazi dutenez.

N-633 errepidea itxi dute eta auto-ilarak sortu dira; hala ere, ondoko industriagune batetik bideratu dituzte ibilgailuak eta 12:00etan berriro zabaldu dute N-633 errepidea.