Alesbesko erlezain bat ikertzen ari dira, erleek lau emakumeri eraso egin ondoren
Foruzaingoa Alesbesko (Nafarroa) 50 urteko erlezain bat ikertzen ari da, haren erleek lau emakumeri eraso dietelako. Biktimak zaldiz paseatzen ari zirenean jasan zuten erasoa.
Foruzaingoak jakitera eman duenez, emakumeak zaldi gainean txangoa egiten ari ziren landa-bide batean, Tafallatik gertu, erleek eraso zietenean.
Lursail batetik pasatzerakoan milaka erlek eraso zietela azaldu dute lau emakumeek. Gorputz osoan eztenkada ugari eman zizkieten.
Biktima batek, korrika, lokatzez beterik zegoen kanal batera ihes egin zuen. Erasorik ez jasotzeko bertan murgildu zen, baina burua kanpoan mantendu behar zuen, arnasa hartzeko. Ondorioz, eztenkadak jaso zituen aurpegian eta buruan.
Beste biktima bat zaldi gainetik erori zen erasoan, eta orno bat hautsi zuen.
Une horretan, telefonoz laguntza eskatu zieten hipikako arduradunei, eta berehala bertaratu ziren. Eztenkadak eragozteko, burua arroparekin estali behar izan zieten. Horrela aldendu ziren bertatik bezeroak eta zaldiak, hipikako lankideen laguntzarekin.
Hipikako gidariaren hitzetan, aurreko egunean erlauntzak ez zeuden bertan; izan ere, ibilbide bera egin zuten beste bezero batzuekin batere arazorik gabe.
Erleak erlauntzen inguruan. Argazkia: Foruzaingoa
Zaldiek erleen eztenkada ugari jaso zituzten, batez ere sorbaldan, lepoan eta buruan. Hantura eta mina eragin zieten, baita gose falta eta mugitzeko zailtasuna ere.
Biktimak Tafallako osasun zentroan artatu zituzten.
Foruzaingoaren patruila bat bertaratu zen, eta, agenteek erlauntzak aurkitu baino lehen, erle kopuru handi batek autoaren kristalak gogor jo zituen. Handik metro batzuetara, 50 bat erlauntz topatu zituzten.
Foruzainek ezin izan zuten ibilgailutik atera, erlauntzak identifikatu edo horien berri emateko seinalerik ote zegoen egiaztatzeko.
Ondoren, Ingurumen Ikerketa Taldeko foruzainek zonaldea arakatu, eta ustiategia eta jabea identifikatu zituzten. Salaketa jarri dute haren aurka, herri-bide batetik gutxieneko distantzia ez errespetatzeagatik eta Udalaren baimenik ez izateagatik.
Era berean, arduragabekeriarekin lesioak eragitea leporatu diote.
Zure interesekoa izan daiteke
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Hantabirusak kaltetutako ontzia Cabo Verden ebakuatzea proposatu du Espainiako Osasun Ministerioak, Kanariar Uharteetan eskalarik ez egiteko
Ministerioak jakinarazi du kasu sintomatikoak Cabo Verden ebakuatzen saiatuko direla.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.