Uriartek 'hobekuntzak' iragarri ditu Gipuzkoako hainbat eskola txikitan

Cristina Uriarte Hezkuntza Sailburua ere izan da jaiaren inaugurazio ekitaldian, eta bertan, "hobekuntzak" iragarri ditu Gipuzkoako hainbat eskola txikitan.Bere interbentzioan, eskola hauen hezkuntza eredua goraipatu du, inguruarekiko duten hurbiltasunari esker ematen duten bizi-poza nabarmendu du, eta herritarren arteko harremana ehuntzeko egiten duten ekarpena ere aipatu du: "asko ematen duzue eta oso maitatuak zarete" esan du.Eskola txikien inaugurazio ekitaldia. Argazkia: Maria Agirre | Euskadi IrratiaAzpiegitura berriakDatorren ikasturtean Gipuzkoako hiru eskola txikik eraikin berriak izango dituztela iragarri du Uriartek: Arroak (Zestoa), Oikiak (Zumaia) eta Alkizak.Gainera, Eusko Jaurlaritzak azpiegiturak hobetzen jarraitzeko duen borondatea berretsi du: "Hezkuntzaren kalitatea, beste hainbat faktorerekin batera, honelakoetan ere oinarritzen da" hausnartu du eta hobekuntza horien bidean, departamentua jada beste proiektu batzuetan ere lanean ari dela iragarri du: Angiozarreko eskolaren handitzean (Bergara), Itsasondoko Urkipe zentroarentzako eskola berrian eta Zeraingo eskolako hobekuntza lanetan, hain zuzen ere.Proiektu hauek gauzatzeko datarik ez du aurreratu nahi izan sailburuak.EgitarauaEskola txikien jaiaren 32. edizioaren aurkezpenean eskola txikietako ordezkariek nabarmendu zutenez, eskola txikien aldarrikapenarekin bat egiten duten guztiei festan parte hartzeko deia egin zieten."Haurrak, aniztasunean, euskaraz, famili giroan eta naturarekin harremanetan hezten dira gure eskoletan. Horrez gain, teknologia berrietan eguneratuta gaude, eta kalitatezko heziketa eskaintzen dugu. Eskola txikiak, gertukoak, atseginak eta erosoak dira", azpimarratu zuten.Gaur, festan parte hartzeko dei bera egin dute antolatzaileek eta Aginagara hurbiltzeko garraio publikoa erabiltzeko eskatu dute. Hala, Usurbilgo Zumartegi industrialdean autobus zerbitza izango da 10:00etatik 12:00etara eta arratsaldean, itzulerarako, 17:30etik 19:30era.