Erasoaren osteko epaiketa guztia txarrena izan dela esan du La Manadako biktimak
Epaiketa "azkenean" amaitu izana ospatu du La Manadako biktimak; halaber, bortxaketaren unean "pairatutakoa latzena ez zela izan" esan du, "atzetik etorri zen beste guztia baino", adierazi du.
Gazteak hiru urtez bizi izandako epaiketaren nondik norakoak gogoratu ditu, Telecinco kateko El Programa de Ana Rosa saiora bidalitako gutun batean.
"Luzea, gogorra eta, batez ere, akigarria izan da. Txarrena ez zen pairatutakoa izan, atzetik etorritako guztia baino", esan du.
Nafarroako Auzitegi Nagusiak hartutako erabakiaren aurka aurkeztutako kasazio-errekurtsoak aztertu eta La Manadako bost auzipetuei 15 urteko espetxe-zigorra ezartzea erabaki zuten joan den astean Auzitegi Goreneko bost magistratuek saio publikoan, bortxaketa delitua egotzita. Honenbestez, sexu-abusua baztertu dute, aurreko bi epaimahaiek egin ez bezala.
"Orain esan dezaket merezi izan duela eta pixkanaka nire bizitzaren gidaritza berreskuratzen hasi naizela", esan du gazteak. Halaber, prozesu guzti horretan pertsona "bikainen" laguntza izan duela eta horregatik "zorionekoa izan dela" azpimarratu du.
Esaterako, instrukzio-epailearen babesa azpimarratu du, "inoiz" ez zuelako zalantzan ipini berak esandakoa; baita, 2016ko uztailaren 7an egokitu zitzaion abokatuaren laguntza ere; fiskala; medikuak; polizia; psikologoak; eta, bortxaketaren ostean laguntza eskaini zion bikoteari eskerrak eman dizkie.
Bestalde, "borrokak aurrera jarraitu behar duela" ohartarazi du gazteak. "Gizarteak eskatzen duen aldaketa izan behar gara. Gogora ezazue, konta ezazue; ez iezaiezue irabazten utzi", gaineratu du.
"Une zail horietan inork ez daki nola jokatuko duen, baina zuek erraz egin zenuten", esan du La Manadako biktimak. Horrenbestez, eskerrak eman dizkie Iruñeari zein Nafarroari "gogo biziak erakutsi baitituzte".
Bestalde, gertatutakoa kalez kale zabaldu duten elkarte eta pertsonei ere eskerrak eman dizkie, "Espainia osora barreiatu baitute".
"Eskerrik asko bakarrik utzi ez izanagatik; esker onekoa naiz, baina ez naiz heroia. Aurrera egiteko indarrak, askotan, bidean jasotako beroak eta babesak eman dit", bukatu du.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.