10.000-15.000 poliziak osatuko dute G7ko goi-bileraren segurtasun dispositiboa
G7ko goi-bileraren ondorioz aurrekaririk gabeko segurtasun dispositibo bat izango da Euskal Herrian. 10.000-15.000 poliziak Biarritz blindatuko dute. Segurtasun perimetroa Irunera arte helduko da, eta trafikoari eragingo dio Biriatuko mugan.
Fernando Grande-Marlaska Barne ministroa eta Estefania Beltran de Heredia Segurtasun sailburua Gasteizen bildu dira ostegun honetan, Biarritzeko (Lapurdi) goi-bilerak (G7) EAEn sor ditzakeen arazoak aztertzeko, batez ere segurtasun eta trafikoarekin lotuta, Biriatuko mugan. Goi-bilera abuztuaren 24tik 26ra egingo dute.
Josu Zubiaga Segurtasun sailburuordeak eta Jesus Loza Espainiako Gobernuak Euskadin duen ordezkariak bileran parte hartu dute. Ezaugarri horietako bilera batek behar duen segurtasuna aztertu dute. Horrela, bide segurtasuna, ibilgailuen joan-etorria, babes zibila eta Polizia hizpide izan dituzte buruzagiek.
Bilera Eusko Jaurlaritzaren Lakuako (Gasteiz) egoitzan egin dute, Grande-Marlaska Cristophe Castaner Frantziako Barne ministroarekin bildu baino ordu batzuk lehenago. Abuztu amaieran, munduko zazpi potentzia ekonomikoen ordezkariak bilduko dira, Biarritzen: AEB, Japonia, Alemania, Erresuma Batua, Frantzia, Italia eta Kanada.
Egun horietan Biriatutik Frantziara bidaiatzea saihesteko gomendatu du Eusko Jaurlaritzako Trafiko Zuzendaritzak, zonaldean izango diren kontrol eta neurriengatik. Itzulera operazioa abuztuko azken bi asteburuetan eman ohi da.
Segurtasun sailburuaren eta Barne ministroaren arteko aurreneko bilera iragan abenduan izan zen. 2017ko uztailean egindako azken Segurtasun Batzordean adostutako akordioen garapena eta bilakaera aztertu zuten orduan.
Bilera Gasteizen. EiTBko bideo batetik ateratako irudia.
Bestalde, Marlaska eta Castanerren arteko bilera Muga Polizia Zuzendaritzaren egoitzan egin dute, Hendaian.
Bi estatuen arteko harreman onak azpimarratu dituzte bi ministroek bilera ondoren. Lankidetzan ari direla goraipatu dute. Goi-bileran 24 ordezkaritzak parte hartuko dute, eta 2.000 komunikabide baino gehiago izango dira, Castanerrek nabarmendu duenez.
Espainiako agintarien elkarlanerako borondatea agertu du Grande-Marlaskak. Frantziarekin lankidetza "urte askotako kontua da, guztiek ezagutzen ditugun arrazoi zehatzengatik", gogorarazi duenez.
"Espainiaren aldetik beharrezko, apropos eta neurrizko guztia jartzen ari gara. Elkarlanak G7ko goi-bileraren arrakastari lagunduko dio; mundu guztiarentzako emaitzak benetan positiboak izateko lasaitasunez igaro behar du", erantsi du Marlaskak.
Zure interesekoa izan daiteke
Athleticeko presidenteak jazarpena eta mehatxuak salatu ditu
Jon Uriartek Ertzaintzan salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.