Arandina auziko herri-akusazioak 130 urtera igo du hiru auzipetuentzako zigor-eskaera
Clara Campoamor Elkarteak ordezkatzen duen herri-akusazioak 130 urte eta sei hilabeteko kartzela-zigor eskaera egin du Arandina futbol taldeko hiru jokalari ohirentzat. 16 urteko neska bati sexu-erasoa egitea leporatuta epaituko dituzte hiru auzipetuak.
Behin-behineko idatziaren arabera, herri-akusazioak 43 urte eta sei hilabeteko espetxealdia eskatu du R.C.H., C.C.S. eta V.R.R. jokalarientzat, sexu-askatasunaren aurkako hiru delitu leporatuta. Horrez gain, bi sexu-eraso eta sexu-abusuen delitu jarraitua egitea egotzi die.
Zehazki, sexu-askatasunaren aurkako delitua egotzita, 20 hilabeteko zigorra eskatu du herri-akusazioak auzipetu bakoitzarentzat. Antza denez, sare sozialen bitartez adin txikikoarekin hitzordua hitzartu zuten, sexu-harremanak izateko helburuarekin.
Halaber, 15 urteko zigorra eskatu du R.C.H.-rentzat, sexu-abusuen delitu jarraitua egitea egotzita, eta beste 15 urtekoa beste bi jokalari ohientzat, sexu-erasoa leporatuta.
Azkenik, Clara Campoamor Elkarteak 13 urte eta bost hilabeteko bi zigor eskatu ditu (26 urte eta hamar hilabetekoa, beraz) auzipetu bakoitzarentzat, sexu-eraso delituetan laguntzaile izatea egotzita.
Gainera, auzipetuei biktimarengandik 52 urtez urruntzeko agindua ezartzea eskatu du herri-akusazioak, baina behin-behineko idatzian ez du biktimarentzat inolako kalte-ordainik eskatzen.
Zigor horiek Fiskaltzaren eskaera handitzen dute, uztailaren 17an egindako idatzian 38 eta 40 urte bitarteko zigorrak (118 urtekoak, guztira) eskatu baitzituen Arandina futbol taldeko hiru jokalari ohi horientzat.
____________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Zure interesekoa izan daiteke
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian. Imanol Pradales lehendakaria ere bertan egon da.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.