Renfek gaueko 90 tren gehiago eskainiko ditu Donostiako Aste Nagusian

Abuztuaren 10etik 17ra bitartean egingo den Donostiako Aste Nagusia dela eta, Renfek gaueko 90 tren gehiago eskainiko ditu. Bidaiak Donostiatik Irunera eta Tolosara izango dira abuztuaren 10etik 18ra bitartean, 23:35etik 05:20ra.

Guztira, 45.000 plaza gehiago egongo dira erabiltzaileen eskura. Konpainiaren esanetan, helburua "hamaika gazteren joan-etorriak erraztea" eta, era berean, "trenak ematen duen segurtasuna bermatzea" da.

Gainera, aldiriko ohiko zerbitzuak indartuko dituzte 21:00etatik 23:00etara, Donostiako jaietako su artifizialak direla eta, jendetza ibiltzea espero baitute.