Bilbobusek 15 ibilgailu hibrido berri ditu astelehen honetatik
Bilbobusek 15 ibilgailu hibrido berri ditu astelehen honetatik. Alfonso Gil alkateorde eta Mugikortasun eta Jasangarritasun zinegotziak aurkeztu ditu, eta, aurkezpen-ekitaldian adierazi dutenez, isurpenak % 8,5 murriztuko dituzte, eta hiri-garraioaren eraginkortasuna hobetuko dute. Mercedes Benzek diseinatutako eta egindako autobusak dira, Citaro-Hybrid Euro VI modelokoak.
Bilboko Udalaren Mugikortasun eta Jasangarritasun Arloak, hortaz, "beste aurrerapauso bat eman du Hiri Mugikortasun Jasangarriaren Ituna sinatu zuenean hartutako konpromisoak betetzeko; herritarren ongizatea hiri-garapenaren erdian kokatzen du Itun horrek", nabarmendu du Gilek.
"Erosketa hauekin, jarraitzen dugu bideratzen mugikortasun-politikak osasunaren eta herritarren bizitza-kalitatearen hobekuntzara, eta beste aurrerapauso bat ematen dugu flota publikoaren 'isurpenik gabe' aukerak hartzeko; gure xedea da partikula kutsagarrien isurpenak mugatzea, bai eta karbono dioxidoarenak ere", adierazi du zinegotziak.
Hala, urtea amaitu aurretik, flotaren % 20 berrituko du Udalak. Egun, 141 unitatek osatzen dute flota hori; ondorengo hilabeteotan, beste 15 ibilgailu hibrido bereganatuko ditu Bilbobusek, bai eta bi elektriko ere.
12 metro, eta hiru ate
Ibilgailu hibrido hauek 12na metro luze dira, eta hiruna ate dituzte; hirugarren atean, ez du eskailera-mailarik. Bilbobus modernoen irisgarritasun-baldintza guztiak betetzen dituzte, eta itxuraz gainerako ibilgailuak bezalakoak dira; aldea motorrean dute.
Udalak azaldu duenez, ibilgailu hibridoen oinarrizko funtzionamendua "oso erraza da". Autobusek abiadura txikiagotzen dutenean, motor elektrikoak sorgailu baten kontrakoa balitz bezala lan egiten du, eta balaztaren energia korronte elektriko bilakatzen du. Korronte hori baterian bildu eta motor elektrikoaren esku jartzen da, egoera jakin batzuetan errekuntza-motorraren ekintza laguntzeko, bereziki abian jartzen denean.
Bilbobuseko autobus berriek itsuei edo entzumen-urritasuna duten pertsonei laguntzeko sistema bat dute. Gainera, sistema horrek abisu-argiak ditu aurrealdeko atean, bai eta garraio-tituluen banagailuaren eta horiek balioztatzeko makinaren azpian ere. Braillez idatzitako inskripzioak dituzten pultsadoreak ere badituzte autobusek, eta geldialdia edo arrapala eskatu direla abisatzeko mezulari akustiko eta optikoa gaztelaniaz eta euskaraz dago.
Halaber, Bilbobus berriak mugikortasun urriko pertsonentzako egokituta daude.
Zure interesekoa izan daiteke
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 sarea, Gipuzkoako 10 ikastetxetan tiroketa-mehatxuak egin zituen erakunde kriminala
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.