Itzalita dago jada Etxebarriko bizikleten enpresan piztutako sutea
Etxebarriko bizikleta eta motorren biltegi batean atzo piztutako sutea itzalitzat jo dute suhiltzaileek astearte goiz honetan, Loren Oliva alkateak EFE albiste-agentziari jakinarazi dionez.
Itxuraz larria izan arren eta kalte material handiak eragin baditu ere, ez da inor zauritu.
Goizeko 05:30ean suhiltzaileen bost kamioik jarraitzen zuten sutearen tokian. 10:00 aldera, hainbat suhiltzaile azken hondarrak itzaltzen ibili dira.
Saga enpresako eraikin batean piztutako ustekabeko sutearen ondorioz langileak irtenarazi behar izan zituzten atzo eta ezin izango dira lanera itzuli suhiltzaileek lanak amaitu arte eta sugarrek eraikinaren azpiegituran kalterik eragin ez dutela ziurtatu arte.
Lantokiko sarbideetan topatutako zailtasunek zein erretako materialen tipologiak (kautxu edo litiodun bateriak) itzaltze lanak luzatu egin izana eragin dute. Hala ere, alkatearen esanetan, litiozko baterien portzentajea oso txikia zen.
Eusko Jaurlaritzako teknikariek airearen kalitatea aztertu eta pertsonen osasunerako arriskurik ez zegoela iragarri zuten. Hala ere, Udalak hainbat neurri hartzeko gomendatu zien auzotarrei; esaterako, leihoak itxita izatea.
Kaltetutako eraikinaren inguruetan uraren baporeak eragindako "hondakin-kea" dago oraindik, alkateak azaldu duenez.
Udaleko teknikariek eraikina aztertuko dute egituran kalterik sortu ote diren egiaztatzeko.
Bizikleta, motor eta auto elektrikoen biltegia
Sua 13:30 inguruan piztu zen Saga industrialdean, hain zuzen ere, Nuuk markako bizikleta, motor eta auto elektrikoak biltegiratzen zituen enpresa batean. Aipaturiko enpresa ez ezik ingurukoak ere jendez hustu zituzten, badaezpadako neurri gisa.
Alarmak piztu eta zazpi ordura, eraikina aireztatu eta tenperatura jaistea lortu ostean, suhiltzaileak barrura sartu ziren. Itzaltze lanak zailak izaten ari dira, bertan gai kimikoak baitaude bilduta.
Bi suhiltzaile Basurtun eta Galdakaon ospitaleratu behar izan dituzte, tenperatura beroek eraginda ondoezik jarri baitira.
Suteak eragindako ke-lainoa Basaurira, Boluetara eta Txurdinagara iritsi da.
Zenbait orduz N-634 errepidea itxita egon da, baina Donostiako noranzkoan dauden bi erreietako bat zabaldu dute gero.
(Suhiltzaileak garrak itzaltzeko lanean. Argazkia: @BomberosBizkaia)
Zure interesekoa izan daiteke
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere, baina inguruko baserrietan bizi diren bi pertsona etxetik atera zituzten badaezpada ere.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.