Maravillas gaztetxea okupatzea leporatuta ikertutako 22 lagunak absolbitu dituzte
Iruñeko 4 zenbakiko epaitegiko titularrak absolbitu ditu Rozalejoko markesaren jauregia, Maravillas gaztetxea, okupatzea leporatuta higiezinen usurpazio delitu arin bategatik ikertu dituzten 22 pertsonak, uste baitu akusazioek ez dutela frogarik aurkeztu lagun horiek bertan maiz egoten zirela egiaztatzeko, 2018ko abuztuaren 17an, Poliziak eraikina hustu zuenean, identifikatu izanaz haraindi.
Epaiketan, hilaren 17an, fiskaltzak 22 auzipetuetako hiru akusatu zituen, eta 630 euroko isunak eskatu zizkien. Nafarroako Gobernuak, eraikinaren jabeak, 900 euroko isuna eskatu zuen bost auzipeturentzat, 990 hamar ikerturentzat eta 1.080koa beste zazpientzat, baita 34.168,69 euroko kalte-ordaina ere. Defentsek, ordea, absoluzioa eskatu zuten.
Epailearen iritziz, ez dago eraikinean “etengabe” sartu-irtenean ibiltzen ziren pertsonen inguruko txostenik, eta ez zituzten bertako jarduera publikoetan parte hartu zuten pertsonak identifikatu: jantoki solidario baten inaugurazioa, 2018ko sanferminetako herri tabernaren irekiera, asteroko asanbleak, batzarrak, hitzaldiak, liburu aurkezpenak, pelikulen proiekzioak, kontzertuak eta dantza saioak.
Jarduera horien guztien irudiak partekatu dira Facebooken, Twitterren eta Youtuben, baina, epaileak deitoratzen duenez, inongo txostenetan ez dituzte identifikatu arduradun gisa parte hartzen zutenak edo jarduerotan maiz esku hartzen zutenak.
Magistratuaren hitzetan, auzipetuetako bosten aurka egindako zigor eskaeraren atzean dauden jazoerak ez datoz bat tipo penalarekin: ez dute eraikina okupatu, ez dira bertan gelditu jabearen borondatearen aurka eta ez dute inor bultzatu berori okupatzera edo berorren barruan gelditzera.
Gainera 17 ikertuei dagokienez, epaileak azpimarratu du ez dagoela beren jardueraren inguruko daturik, 2018ko abuztuaren 17an kolektiboa babesten ari zirela identifikatu izanaz haraindi.
Zure interesekoa izan daiteke
Imsersoren bidaiak gaurtik aurrera egongo dira eskuragarri Hego Euskal Herriko pentsiodunentzat
Nafarrentzat gaur abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.