Indarkeria matxista
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Bi gizon ikerketapean, emakume bati abusuak egiteagatik Barakaldoko zahar etxe batean

75 eta 81 urteko bi gizon dira ikertutakoak; biei 71 urteko emakume bati sexua abusuak egitea egotzi diete.

EITB.EUS

Azken eguneratzea

71 urteko emakume batek salaketa aurkeztu du 75 eta 81 urteko bi gizonen kontra sexu abusuak leporatuta, Eusko Jaurlaritzako Segurtasun Sailak eitb.eus-i jakinarazi dionez. Erasook Barakaldoko (Bizkaia) adinekoentzako zentro batean jazo dira, eta biktima zein ustezko erasotzaileak zentroko egoiliarrak dira.

Salaketa azaroaren 13an aurkeztu zuen emakumeak, ikerketa berehala abiatu zuten eta epaitegiak izapideak hasi zituen bi gizonen kontra. Ez dituzte atxilotu, baina ikerketapean daude biak, Ertzaintzaren arabera.

Segurtasun Sailak ez du gertatutakoaren xehetasun gehiago eman, auzia justiziaren esku dagoela argudiatuta.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Emakume batek bere zahar etxean bizi diren bi gizon salatu ditu, sexu abusuengatik
Gizartea Indarkeria matxista Bizkaia Barakaldo Tratu Txarrak Eguneko Titularrak Adinekoentzako egoitzak Matxismoa Sexu erasoak Adinekoak

Zure interesekoa izan daiteke

Gehiago ikusi
Publizitatea
X