Genero indarkeria
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gizon bat atxilotu dute Gasteizen bikotekideari erasotzea egotzita

Arriaga-Lakua auzoko etxe batean gertatu zen erasoa, atzo. Antza denez, 37 urteko gizonak neska-lagunari eraso egin zion eztabaida batean.

eitb.eus

Azken eguneratzea

Gasteizko Udaltzaingoak 37 urteko gizon bat atxilotu zuen atzo, 10:00etan, genero indarkeria delitua egotzita.

Koordinazio Zentralak patruila bati eskatu zion Arriaga-Lakua auzoko etxebizitza batera joateko, bertan eraso bat gertatu baitzen. Lekuko batek atarian jaso zituen, bikote baten arteko eztabaida izan zela eta gizonak neska-lagunari eraso egin ziola adierazteko. Erasoaren ostean, gizonak etxetik alde egin zuen.

Emandako argibideei esker, beste patruila batek aurkitu zuen gizona. Lekukoen arabera, bikotekideak banatzen saiatu zirenean, gizonak ere eraso egin zien. Gertatutakoaren nondik norakoak entzun ondoren, gizona atxilotu egin zuten, eta gaur goizean epailearen esku utzi dute.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Gizartea Indarkeria matxista Indarkeria matxistaren biktimak Gasteiz Eguneko Titularrak Matxismoa Vitoria-Gasteizko Kuadrilla

Zure interesekoa izan daiteke

Gehiago ikusi
Publizitatea
X