Ilara luzeak eratu dira Bilbo Intermodala ezagutzeko
Bilbo Intermodal lurpeko autobus geltoki berria errealitatea da dagoeneko. Juan Mari Aburtok gaur inauguratu du azpiegitura berria, eta azaroaren 29ra arte, Udalak antolatu dituen ate irekien bi egunetan, bisitatu, ikusi eta ezagutzeko aukera izango dute herritarrek. Ilara luzeak eratu dira asteazken honetan, euria egin badu ere.
Inaugurazio ekitaldian Bilboko alkateak nabarmendu duenez, "intermodalitatea, segurtasuna eta modernitatea dira hiri proiektu handi honen gakoak", eta, gainera, geltokia eraikitzeko erabilitako kudeaketa eredua azpimarratu du.
"Udalak bere kutxetatik euro bakar bat ere ordaindu gabe gauzatu da Bilbo Intermodala. Eta hala izan da ez genuelako baliabide publikorik erabili nahi, ezta zorpetu ere, bilbotarren etorkizuna ez hipotekatzeko, ezta Udalaren beraren inbertsio ahalmena ere", adierazi du.
Bilbo Intermodala ostiralean hasiko da lanean, goizeko 06:00ak aldera, Termibusa itxi eta operadore guztiak eta zerbitzu berriak geltoki berrian hasten direnean.
Azpiegitura berria "funtsezkoa izango da hiriaren etorkizunean", esan du alkateak. Hori guztia osatzeko, hiriko garraio intermodaleko beste nodo bat erabiliko da, Abandon dagoen trenbidekoa, Abiadura Handiko Trenaren etorrerarekin jauzi kualitatiboa izango duena.
"Azpiegitura segurua, modernoa, intuitiboa eta ondo seinaleztatua da", gaineratu du. Estatuko eta nazioarteko 25 garraio-enpresak jardungo dute bertan. Batez beste, 19.000 erabiltzaile baino gehiago igaroko dira bertatik egunero, Bizkaibuseko lineetako bidaiariak barne, Bilbo Intermodal berritik eskainiko baititu aurrerantzean zerbitzuak. Ondorioz, aurreikuspenen arabera, urtean zazpi milioi lagun baino gehiago igaroko dira azpiegitura horretatik.
Batetik, lurpeko geltoki bat da, Gurtubayk optimizatutako sarbideekin eta "inguruneko afekzio nabarmen txikiekin, zirkulazioa lasaitu eta ingurua segurtasunez hornituko duena". Autobusak lurrazaletik eta Luis Briñasetik kenduko dituzte, eta kale horrek hiriko trafikoa bakarrik hartuko du aurrerantzean.
Bestalde, plaza bat egiteko baliatuko diren 7.500 metro koadro liberatzeko aukera emango du, Sabino Aranan eta Errekalden Iralaraino berreskuratutako 80.000 metro koadroak handituko dituen espazioa, FEVEren linea lurperatu ondoren egindako urbanizazioari esker.
Begi-bistako eraikina
Bilbo Intermodala martxan jartzea "auzo eta hiri proiektu handinahi batean puntu eta jarraipena" da. Geltokiaren gainean 7.500 metro koadroko plaza eta altuera ezberdinak izango dituen eraikina egongo dira, eta inguruko eskaintzaren osagarri izango diren hainbat jarduera hartuko ditu.
GALERIA: Horrelakoa da Bilbo Intermodal berria:
Zure interesekoa izan daiteke
Euria lagun, Rigloseko sutea mendean hartzea lortu dute
Baso-sutearen bilakaera ona dela eta, gaur hasiko dira 19 herrigunetatik ebakuatutako bizilagunak (1.000 baino gehiago) beren etxeetara itzultzen.
Rigloseko suteak hobera egin du eta dena prest dago ebakuatutako bizilagunak euren etxeetara bueltatzeko
Sutearen zatirik handiena, 17.500 hektarea baino gehiago erre dituena, egonkortuta dago, sektore batzuen faltan.
49 urteko motor-gidari bat larri zauritu da Arrietan izandako istripu batean
Ezbeharra 17:00 inguruan gertatu da, NA-1720 errepidean Arrietan parean (Artzibar). Nafarroako Gobernuak ohar batean azaldu duenez, aurrez aurre talka egin dute autoak eta zauritutako gizona zihoan motorrak.
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.