San Saturnino eguna, Iruñean
Iruñean, San Saturnino zaindariaren eguna ospatzen ari dira gaur, ostirala. Udalak egitarau oparoa antolatu du, besteak beste, erraldoi eta buruhandien konpartsaren irteera, prozesioa eta meza izan baitira goizean, eta Udaletxeko jaiotzaren inaugurazioa, Gabonetako argiak piztea eta La Pamplonesa bandaren kontzertua, arratsaldean.
09:30ean hasi dute eguna, erraldoien eta buruhandien konpartsaren irteerarekin, autobus geltokitik. Bakearen plaza, Yanguas y Miranda, Garcia Ximenez, San Ignacio, Comedias, Pozoblanco eta Zapateria kaleetatik joan dira Udaletxera, Udalbatzarekin bat egiteko. 10:05ean, Udalbatza San Saturnino elizara joan da, eta patroiaren omenez egindako prozesioan parte hartu du.
10:15ean, prozesioa hasi da: San Saturnino kalea, Kale Nagusia, Arazuri doktorearen pasealekua eta Kale Berria igaro, eta elizara itzuli da. Horiekin batera, erraldoi eta buruhandien konpartsa, La Pamplonesa, udal dantzari eta txistulariak, klarin eta tinbal jotzaileak, mazodunak eta galako zaindariak ere joan dira prozesioan.
11:00etan, San Saturnino elizan, meza egin dute, Francisco Perez Iruñeko artzapezpiku eta Tuterako gotzainak zuzenduta. Musika kapera izan da musikaren arduraduna, Iruñeko Orfeoiaren eta Nafarroako Orkestra Sinfonikoaren laguntzarekin.
12:10ean, segizioa Udaletxe Plazara itzuli da, eta, bertan, erraldoien eta buruhandien konpartsak eta Duguna dantza taldeak ikuskizuna egin dute, Udalbatzaren omenez. Ondoren, konpartsa autobus geltokira itzuli da, Mercaderes, Txapitela, Gaztelu plaza, Sarasate pasealekua, Alhondiga, Tutera, Garcia Ximenez, Yanguas y Miranda kaleak eta Bakearen plaza zeharkatu dituzte.
Atariko jaiotzaren inaugurazioa
San Saturnino egunaren berrikuntzetako bat Udaletxeko jaiotzaren inaugurazioa da. Irekiera hilabete aurreratu da, aurreko urteetan pregoiarekin batera ireki baitute, abenduaren 20aren inguruan. Aurten ere, Iruñeko Jaiotzen Elkartea arduratuko da inaugurazioaz, 17:30ean.
Gabonetako argiztapena
17:45 aldera, Udaletxeko fatxadako argiztapena zein gainerako hiriko argiak piztuko dira. Ekitaldia Oberena abesbatzak girotuko du, eta gabon-kantak abestuko ditu.
La Pamplonesaren kontzertuak
Azaroaren 28an, ostegunean, eta azaroaren 29an, ostiralean, izango dira La Pamplonesaren kontzertuak. Udal musika bandak Manuel Fernandez Caballero (1835-1906) maisuaren 'Gigantes y Cabezudos' tituluari eta Miguel Echegaray eta Izagirreren libretoari (1848- 1927) eskainiko dizkie bi emanaldiak, J. Vicent Egearen zuzendaritzapean.
AGAO abesbatzaren eta Maria Ayaran Garraldaren laguntzarekin, duela 121 urte (1898ko azaroaren 29an) Madrilgo Zarzuela Antzokian estreinatutako obra eskainiko du. Bi kontzertuak 20:00etan hasiko dira, eta sarrerak 5 eta 10 euro artean izango dira eskuragai.
Zure interesekoa izan daiteke
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.