Euskadiko arazo nagusiak lan merkatua eta etxebizitza dira, Soziometroaren arabera
Euskadik gaur egun dituen arazo nagusiak lan merkatuarekin lotutakoak (% 59k aipatu dituzte hiru arazo nagusien artean) eta, maila apalagoan, etxebizitza eta etxegabetzeak (% 14k aipatu ditu) dira, Eusko Jaurlaritzako Prospekzio Soziologikoen Kabineteak egindako azken Soziometroaren arabera.
Inkesta telefono bidez egin zuten urriaren 1a eta 9a bitartean EAEko 2.170 herritarren artean. Azken galdeketa horrek Euskadiko Administrazio Publikoa zuen ardatz, baina egoera ekonomiko eta politikoarekin lotutako beste gai batzuk ere aztertu dituzte.
Lan merkatuaren eta etxebizitzaren arazoaz gain, honakoak aipatu dituzte herritarrek, askoz gutxiago bada ere: immigrazioa (% 11), egoera politikoa, politikariak eta gatazka politikoa (% 10), pentsioak (% 10), delinkuentzia eta segurtasun falta (% 10), arazo ekonomikoak (% 9), zerbitzu publikoen funtzionamendua eta estaldura eta laguntzak (% 7) eta osasungintza (% 6). Aipatzekoa da pentsioekin eta herritarren segurtasunik ezarekin lotutako arazoen goranzko joera atzeman zutela.
Bestalde, Euskadik hurrengo urteetan izango dituen erronkak zeintzuk izango diren galdetuta, langabezia aipatu dute itaundutakoen % 59k. Dena dela, beste hauek ere aipatu dituzte: biztanleriaren zahartzea (% 37), pentsioak (% 36), desberdintasun sozialak (% 35) eta klima-aldaketa (% 28).
Gai politikoei helduta, alderdien eta buruzagien inguruan duten iritziaz galdetu zieten herritarrei. Soziometroaren arabera, EAJ izan da berriz ere begikotasun handiena sortzen duen alderdia (5,1 puntu, 0tik 10erako eskalan), eta ondoren geratu dira EH Bildu (4,0), Elkarrekin Podemos (3,9) eta PSE-EE (3,7). PP (1,6) da baloraziorik txarrena jaso duena, beste behin.
Buruzagi politikoen balorazioan, Iñigo Urkullu lehendakaria (5,7) eta Andoni Ortuzar EAJren EBBko presidentea (5,1) dira gainditu duten bakarrak. Horien atzetik daude Idoia Mendia PSE-EEko idazkari nagusia eta Lander Martinez (Elkarrekin Podemos) —4,2ko nota jarri diete biei— eta Arnaldo Otegi (4,0). Azken postuan, Alfonso Alonso (1,9) dago berriro. Aurreko Soziometroaren datuekin alderatuta, buruzagi guztiek behera egin dute pixka bat.
Independentziari buruzko iritziari dagokionez, biztanleen % 34 ez daude ados, % 31 alde edo kontra leudeke egoeraren arabera, eta % 20 ados daude. Galdetutakoen % 15ek ez du erantzun.
Zure interesekoa izan daiteke
Basauri BEA futbol taldearen hurrengo hiru partidetara ez du epailerik bidaliko Bizkaiko Arbitroen Batzordeak
Epailerik gabe, beraz, partida ezingo da jokatu. 16 urteko arbitro emakume bat iraintzeagatik eta mehatxatzeagatik ezarri diote zigorra futbol taldeari.
Corellako 14 urteko adingabe bat saldu eta ezkontzera behartu zuten pertsonak epaituko dituzte
Kasua ikertu duen epailearen ustez, gertakariak gizakien salerosketaren delitu izan daitezke. Autoaren arabera, gaztea ezkontzera behartu zuten "5.000 euro, bost whisky botila eta janariaren truke" eta, ondoren, Kataluniako hainbat udalerritan eskean aritzera behartu zuten.
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.