Indarkeria matxista
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gizon bat atxilotu dute Gasteizen, bikotekide ohiari eraso egitea egotzita

Eraso matxista atzo jazo zen, Ariznabarra auzoan, gizona bere emazte ohiaren etxean indarrez sartzen saiatu zenean. Borrokan ari zela, emakumeari eraso eta mehatxu egin zion.

Eitb.eus

Azken eguneratzea

Gasteizko Udaltzaingoak 40 urteko gizon bat atxilotu du, bikotekide ohiari eraso egin ostean, genero-indarkeriaren ustezko delitu bat egotzita, Udalak ohar baten bidez jakitera eman duenez.

Eraso matxista atzo jazo zen, Ariznabarra auzoan, gizona bere emazte ohiaren etxean indarrez sartzen saiatu zenean. Borrokan ari zela, emakumeari eraso eta mehatxu egin zion.

Udaltzainak bertaratu zirenean, ustezko erasotzailea bertatik ihes egiten saiatu zen, baina ez zuen lortu.

Gertatutakoa argitu ostean, tokian bertan atxilotu zuten, eta gaur goizean izapideak amaitu ostean, epailearen aurrera eramango dute.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Gizartea Gasteizko Udala Indarkeria matxista Araba Tratu Txarrak Delituak Gasteiz Eguneko Titularrak Matxismoa

Zure interesekoa izan daiteke

Gehiago ikusi
Publizitatea
X