Sute batek etxebizitza bateko balkoia eta egongela kiskali ditu Basaurin
Sute batek etxebizitza bateko balkoia eta egongela kiskali ditu bart gauerdian Basaurin. Eitb.eus-ek jakin ahal izan duenez, suziri edo petardo batek belar artifiziala zuen etxebizitzako balkoian jo du eta sua piztu da.
Sugarrak egongelara zabaldu dira, eta suhiltzaileek sua itzaltzeko esku hartu behar izan dute. Ezbeharra Basauriko Matxitxako kalean gertatu da.
Suteak ez du kalterik eragin inguruko etxebizitzetan, eta ez da zauriturik izan, Bizkaiko Suhiltzaileek Twitterren azaldu dutenez.
Sare sozialetan zabaldutako sutearen argazkia.
Ondarroan (Bizkaia), 23:00ak aldera, sute bat piztu da etxe bateko sukaldean; hiru pertsona zauritu dira kea arnastuta, eta anbulatorio batera eraman dituzte, bertan artatzeko.
Ez da gaueko gertaera bakarra izan, Hernanin kamioien aparkaleku batean piztutako sute batek bi trakzio-buru eta erdi-atoi bat kiskali ditu, eta hirugarren trakzio-buru batean kalteak eragin ditu, Eusko Jaurlaritzako Segurtasun Sailak jakinarazi duenez.
Sutea 20:30 aldera piztu zen, Florida auzoko kamioi aparkaleku batean. Ertzaintza gertakariaren nondik norakoak ikertzen ari da, baina baliteke nahita eragindakoa izatea.
Horrez gain, suhiltzaileek edukiontziren batean sua itzaltzeko lanak egin behar izan dituzte.
Suhiltzaileak Donostiako Jose Migel Barandiaran kalean. Argazkia: EAEko suhiltzaileak
Edukiontziak kiskalita Luiandon. Argazkia: Arabako suhiltzaileak.
Bestalde, gaur gauean baso-sute bat piztu da Akarlandan, Erandion.
Errepideetan, berriz, ez da istripu larririk izan gauean.
Zure interesekoa izan daiteke
Ezkabarteko sutea itzaltzeko lanek aurrera jarraitzen dute, euriak zertxobait lagunduta
Hirugarren gauez jarraian, lurreko brigadako ehun kide lanean izango dira. Zeregin nagusia sutearen perimetroa zaintzea eta garrak berriro ez zabaltzea izango da. Haizea eta iristeko zailak diren guneetako fokuak sutea kontrolatzeko lanak zailtzen ari dira, Nafarroako Gobernuko larrialdi zerbitzuek esan dutenez.
Hiru gazte ikertzen ari dira Gasteizen, gizon bat Espainiako selekzioko kamiseta eranztera behartu nahi zutelako
Inputatuek larunbat goizaldean eraso zioten biktimari, Aranbizkarra auzoko jai-esparruan.
Marmokak daudela ohartarazi dute Bizkaiko Arena, Gorrondatxe, Barinatxe, Arriatera-Atxabiribil eta Muriola hondartzetan
Arriatera-Atxabiribil eta Muriola hondartzetan debekatuta dago bainatzea; gainerakoetan, berriz, bandera horia dago. Uraren batez besteko tenperatura 21 gradukoa da.
Ekintzaz betetako "Peñen Eguna", Iruñean
Iruñeko peñek euren eguna ospatu dute gaur, jardueraz beteriko kartelarekin: kalderete lehiaketa, pankarten aurkezpena... Emozioz beteriko eguna izan da iruindarrentzat.
Gizon bat atxilotu dute Legution, bikotekideari bortizki eraso egiteagatik
Biktima ospitalera eraman behar izan dute, lesioak artatzeko.
Bortizkeria polizialaren aurkako protesta egin dute ehunka lagunek Santurtzin, Ezkerraldeko eragileek deituta
Santurtziko kale nagusiak zeharkatu dituzte asteazkenean hil zen Anderrentzat justizia eskatzeko. Gertatutakoa argitzeko, ardurak zehazteko eta zigorrak jartzeko eskatu dute, eta bermeak, horrelakorik berriro gerta ez dadin.
Gizon batek emaztea hil du Sevillan
Ustezko hiltzailea ospitalean dago, larri, arma zuri batez bere buruari zauriak egin omen dizkiolako.
Venezuelako lurrikaretan desagertutako euskal herritarren senideek zain jarraitzen dute
Venezuelako lurrikarek milaka hildako eta desagertu utzi dituzte; azken horien artean, bilbotar bat eta donostiar bat daude. Senideek desagertuak bilatzeko baliabide falta azpimarratu dute. NBEren arabera, 50.000 pertsona inguru daude desagertuta, baina kopuru horrek gora egiten jarraitzen du.
Haizeak eta bertara iristeko zailak diren guneetako fokuek zaildu egin dituzte Ezkabarteko baso-sutea itzaltzeko lanak
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli dira. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nola ospatuko da LGTBIQ+ Harrotasunaren Eguna Euskal Herrian?
Ekainaren 28an Harrotasunaren Nazioarteko Eguna ospatzen dela eta, Euskadiko eta Nafarroako hiriburuetan hainbat jarduera egingo dira larunbat eta igande honetan, LGTBIQ+ kolektiboaren eskubideak aldarrikatzeko.