Amaitu egin dira istripu baten ondorioz Erandion sortu diren auto-ilarak
Erandion, Arrontegiko zubian, izan den trafiko istripu batek auto-ilara luzeak eragin ditu, 6 kilometrorainokoak, gaur goizean, N-637 errepidean, Getxoko noranzkoan. Eusko Jaurlaritzako Trafiko Zuzendaritzak jakitera eman duenez, A-8 autobideko trafikoari ere eragin dio Erandion izan den istripuak, eta bide horretan ere ilarak sortu dira.
09:30 aldera, baina, auto-ilarak amaitu egin dira, Ertzaintzak Twitterren bidez zabaldu duenez.
Ezbeharraren ondorioz, pertsona bat arin zauritu da.
13 ibilgailuren arteko istripua, Castro Urdialesen
Bestalde 13 ibilgailu izan dira tartean goizeko lehen orduan A-8an izandako istripu batean, Kantabria eta Bizkaiaren arteko mugan. Hainbat kilometroko ilarak sortu dira, eta ez da inor zauritu.
EFEri Trafikoko Guardia Zibilak jakinarazi dionez, istripua 07:20an jazo da, A-8aren 144.3 kilometroan, Bizkaiko norabidean, Mioño herriaren parean.
Guardia Zibilak ez du zirkulazioa eten, istripuaren ondorioz, baina gidariek oztopoak izan dituzte. 10:00etan, zirkulazioa maila horian zegoen (hau da, baldintza zailetan), Mioñoren eta Castro Urdialesen artean. Errei bat itxita dago, eta 3,5 kilometroko auto-ilarak daude (144. kilometrotik, 147,5 kilometroraino), DGTaren web orriak jasota duenez.
BIDEOA | Hamahiru ibilgailuk elkar jo dute A-8 autobidean, Kantabria eta Bizkaia artean
Zure interesekoa izan daiteke
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.
Tasa turistikoa 2027ko urtarrilaren 1etik aurrera ezarriko da Euskadin
Gipuzkoako Foru Aldundiak turismoari lotutako zerga berria arautzen duen Foru Arauaren proiektua onartu du. Zergaren oinarria gau kopuruaren arabera kalkulatuko da.
76 urteko gizon bat eta 38 urteko emakume bat atxilotu dituzte, Bilbon, emakume bati sexu-erasoa egiteagatik
Biktima atxilotuekin batera Santutxuko Karmelo kaleko etxebizitza batera igo omen zen.
Dozenaka lagunek justizia eskatu dute Parisen hildako gazte tolosarrarentzat
"Justizia Dalianentzat" lelopean, Parisen hil zuten Tolosako bizilagunaren senide eta lagunek elkarretaratzea egin dute gaur arratsaldean. Martxoaren hasieran aurkitu zuten haren gorpua, Frantziako hiriburuko etxebizitza batean.
Bi gizon inputatu dituzte Artxandako hilketagatik, eta beste hiru krimen hura ezkutatzeagatik
2023ko abuztuan, gizonezko baten gorpua aurkitu zuten, zatituta eta erreta, maleta baten barruan, Artxandan dagoen abandonatutako eraikin batean.
Goiz korapilatsua Txorierriko errepideetan, Asua parean bederatzi autoren artean izandako talka baten ondorioz
Istripuaren ondorioz, bideko lau erreietatik hiru itxi behar izan dituzte puntako orduan, eta auto-ilara luzeak sortu dira inguruan: Artatzan, Arrontegin, Barakaldon eta Gurutzetan. Behin ibilgailuak bidetik kenduta, egoera bere onera itzultzen joan da. Arazoak izan dira, halaber, A8an, Kantabriarako noranzkoan, San Mames parean istripu bat izan baita. Gipuzkoarako noranzkoan, gainera, trafikoa astuna izan da.
Osakidetzako proba diagnostikoen irudiak ikusgai, Osasun Karpetaren bidez
Iaz, 592.888 herritarrek erabili zuten Osasun Karpeta eta 8,2 milioi sarbide izan zituen. Interesa dutenek irudietara sartzeko eskaera online egiteko aukera izango dute.
Eusko Jaurlaritzak 271 milioiko inbertsioa egingo du hezkuntza sistemaren eraldaketa digitala bultzatzeko
ADIMEN DIGITALA estrategiak software librean oinarritutako hezkuntza-plataforma propioa ahalbidetuko du, irakasleen prestakuntza digitala indartuko du eta euskarazko hezkuntza-edukiak sustatuko ditu.
Bilbok TAOa ezarri du Zorrotzaurreko hegoaldean, 150 aparkaleku-plaza araututa
Bizitegi-eremu horretan, egoiliarrek denbora-mugarik gabe aparkatu ahal izango dute, eta datozen urteetan 550 plaza inguru izatea aurreikusten du Udalak.
Luiziek zirkulazioa korapilatu dute N-634 eta NA-1300 errepideetan
Azken orduotako euriteek lur-jausiak eragin dituzte errepide sareko hainbat puntutan. Aipatu bi errepideak irekita daude dagoeneko, zirkulazioa txandaka bideratuta.