Abisu horia elurragatik Araban astearte goizerako
Eusko Jaurlaritzaren Segurtasun Sailak abisu horia deituko Araban elurragatik astearte honetan. Hain zuzen ere, Jaurlaritzak zehaztu duenez, abisua 06:00etatik 12:00etara izango da indarrean; elur-maila 600-800 metroren bueltan kokatuko da hasieran, baina goizean zehar gora egingo du, eta iragarpena da egunaren bigarren zatirako 1.100-1.200 metrora iristea.
Prezipitazio txikia egingo du, eta batez ere barnealdean bota lezake, goizean eta arratsaldean; Euskalmetek esan duenez, gehienez 3 zentimetro pila litezke 1.000 metrora, eta zentimetro bakarra 600 metrora. Gainera, gerta liteke Arabako toki batzuetan euri izozkorra egitea, eta, hortaz, izotza pilatzea kaleetan.
Halaber, Segurtasun Sailak beste abisu hori bat deituko du, astelehen arratsaldetik, barnealdean, muturreko tenperatura baxuengatik eta izotzagatik. Abisua astearteko 10:00etara arte izango da indarrean. EAEko barnealdean izotz txikia egingo du, handia mendi-inguruetan.
Hurrengo egunetarako iragarpena
Hala, Euskalmet Euskal Meteorologia Agentziak esan duenez, astelehenean giro hotza da nagusi. Maximoak 8-9 ºC ingurukoak izango dira gehienez kostaldean, eta barnealdean, berriz, 2-5 ºC artean geratuko dira. Mendebaldean hodei ugari daude, eta goizean prezipitazio pixka bat egin du; ekialdean, berriz, ostarte zabalak dituzte. Ipar-ekialdeko haizea indartsu dabil, bolada oso gogorrekin haizeguneetan, eta haize hori hotz-sentsazioa handitzen ari da.
Asteartean, hodei gehiago ikusiko ditugu, eta goizetik prezipitazio pixka bat egin lezake, barnealdean; zaila izango da, aldiz, prezipitazio hori kostaldera iristea. Elur-maila 600-800 metro artean egongo da hasieran, baina, orduak igaro ahala, igotzen joango da eta gauerako 1.100 metrotik gora kokatuko da. Ipar-ekialdeko haizea bizi ibiliko da tarteka, oraindik ere, baina tenperatura maximoak apur bat igoko dira. Minimoak, ordea, hotzak izango dira beste behin, eta barnealdean izotza egingo du.
Asteazkenean, prezipitazioa ugariagoa izango da. Zerua oso hodeitsu edota estalita ikusiko dugu, eta euria egingo du, bereziki ekialdean eta barnealdean. Ekialdeko haizea ibiliko da, nahikoa zakar haizeguneetan. Hodeiak izanagatik, tenperatura pare bat gradu igoko da.
Zure interesekoa izan daiteke
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Gizon bat atxilotu dute Getxon, kalean emakume bati sexu erasoa egiten harrapatu ostean
Eraso matxista 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetan ez da kontzerturik egongo abuztuaren 5ean Gasteizen, 14an Donostian eta 26an Bilbon
Kontzertu horiek bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.