Nafarroa
Gorde
Kendu nire zerrendatik

Gizon bat atxilotu dute Cascanten, etxebizitza batean indarra erabiliz lapurtzeagatik

Jateko eta lo egiteko asmoz sartu zela esan zuen gaizkileak. Foruzaingoak, ordea, ispilu bat hautsi eta etxebizitzako hainbat armairu hustu zituela egiaztatu zuen.
Gaizkilieak Cascanteko etxean sartzeko erabili zuen tresna.
Gaizkilieak Cascanteko etxean sartzeko erabili zuen tresna. Argazkia: Foruzaingoa

Tuterako Foruzaingoak, Cascanteko Udaltzaingoarekin elkarlanean, 45 urteko gizon bat atxilotu du herrian, etxebizitza batean indarra erabiliz lapurtzea egotzita.

Bizilagun batek gizon bat etxe batera sartzen ikusi zuen, eta Udaltzaingoari jakinarazi zion. Hala, atea indarrez irekita zegoela egiaztatu zuten bertaratu ziren udaltzainek, eta gizon bat aurkitu zuten barruan; jateko eta lo egiteko asmoz sartu zela esan zien.

Udaltzainek Foruzaingoaren laguntza eskatu zuten, eta Tuterako polizia-etxera eraman zuten, atxilotuta, ispilu bat hautsi eta etxebizitzako hainbat armairu hustu zituela egiaztatu ondoren. Hori dela eta, jabeari deitu zioten, eta salaketa jartzeko asmoa zuela esan zien foruzainei.

Eginbideak amaitutakoan, Fiskaltzara eta Tuterako instrukzio epaitegi batera igorri zituzten.

Zure interesekoa izan daiteke

18:00 - 20:00
ZUZENEAN
Duela  min.

San Fermineko entzierroen ibilbidean irrist ez egiteko produktua aplikatu dute

Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.

Gehiago ikusi
Publizitatea
X