Polizia-etxera eraman dute Abanton bi emakume hiltzea egotzita atxilotutako gizona
Emaztea eta alaba hiltzea leporatuta atzo arratsaldean Portugaleten atxilotutako gizona Muskizko komisaldegira eraman dute, eta bertan hartuko diote deklarazioa.
Abantoko etxebizitza batean aurkitu zituzten hilda 54 eta 24 urteko bi emakumeak, labankadekin, atzo eguerdian. Ertzaintzak berehala zabaldu zuen ikerketa, eta 60 urteko gizonezko baten bila hasi zen, hildakoen senarra eta aita.
16:30 aldera aurkitu zuten Portugaleteko trasteleku batean, konortea erdi galduta zuela. Segurtasun Sailaren arabera, bere buruaz beste egiten saiatu zen gizona. Gurutzetako Ospitalera eraman zuten, atxilotuta, eta han igaro du gaua.
Seguruenik, bihar eramango dute epailearen aurrera.
Hilketaren gaitzespena
Abantoko Udaleko Bozeramaileen Batzordeak "erabateko gaitzespena" agertu zuen hilketaren aurrean, eta elkarretaratzea egin zuen, atzo, udaletxearen parean.
Herriko talde feministek ere gogor salatu zituzten hilketak, eta elkarretaratzea egin zuten "Erasorik ez erantzunik gabe. Aski da" lelopean; 300 pertsonatik gora elkartu ziren.
Emakundek, beste behin, indarkeria matxistaren aurka jarrera aktiboa izateko eskatu zion gizarteari.
Eudel EAEko udalerrien elkarteak ere mobilizazioak babestu zituen, eta gogorarazi zuen "emakumeen eta gizonen arteko ezberdintasunean" dagoela emakumeen aurkako indarkeriaren arazoaren oinarria.
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Albiste gehiago gizartea
Bilboko Konpartsek jai giroan abiatu dute Aste Nagusirako atzerako kontaketa
Urtero bezala, hainbat ekitaldi antolatu dituzte, konpartsa guztietako kideei eta bilbotarrei zabalik, konpartsakidetzera animatu daitezen, Aste Nagusia eta gainerako jaiak bizitzeko oso modu berezia baita. Bilboko Aste Nagusiari hasiera emateko hilabete eskas geratzen dela gogorarazi dute Bilboko Konpartsek, adiskide arteko giroan, Konpartsakide Egun honetan.
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Ostiralean Anoetan txirrindulari baten heriotzan inplikatutako autoko gidaria epailearen esku utzi dute
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Arrazismoaren aurkako kontzentrazioa Iruñean, Torre Pachecoko gertakariak gaitzesteko
Nafarroako arrazismoaren aurkako kolektiboek elkarretaratzea egin dute larunbat honetan Iruñeko Udaletxe plazan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte ehun bat herritan eguerdian
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.