Dagoeneko koronabirusak 417 pertsona kutsatu ditu EAEn eta 130 Nafarroan
Euskadik 71 kutsatu berri antzeman ditu azken orduetan. Gainera, hiru pertsona gehiago hil dira koronabirusarekin. Guztira, 417 kutsatu dira Euskal Autonomia Erkidegoan, horietatik 179 ospitalean daude. Dagoeneko birusak 14 pertsona hil ditu EAEn, Eusko Jaurlaritzako Osasun Sailak ostiral honetan jakitera eman duenez.
Gipuzkoan, 24 positibo dira, horietako zortzi ospitalean daude; Bizkaian, 83 dira kutsatuak, horietako 40 ospitalean daudelarik; eta Araban 310 kasu antzeman dituzte, horietako 131 ospitalean dira.
Lurraldeka, dagoeneko bederatzi hildako dira Araban, bi Bizkaian eta hiru Gipuzkoan. Positibo berriei dagokienez, 51 zenbatu dituzte Araban, 12 Bizkaian eta 8 Gipuzkoan.
Iñigo Urkullu lehendakariaren prentsaurrekoaren ostean datu berriak eman dituzte. Ezohiko Gobernu Kontseilua egin du Jaurlaritzak goizean. Euskal Autonomia Erkidegoan "osasun larrialdi edo alerta" egoera indarrean jarri du Exekutiboak. Horrela, bihartik aurrera salbuespenezko neurriak hartzeko aukera izango du Jaurlaritzak, besteak beste, pertsonak etxeetan konfinatzea eta "arrisku eremuetara" sarrera mugatzea.
Bestalde, birusak kutsatutako bederatzi pertsona sendatu direla aurreratu du Urkulluk prentsaurrekoan.
Osakidetzaren balizko kolapso baten inguruan galdetuta, egoerari aurre egiteko "gaitasuna bermaturik" dagoela ziurtatu du lehendakariak. Hala ere, kutsatzea saihesteko Osasun Sailaren gomendioak betetzea eskatu du agintariak.
Eskuak sarri garbitzeko gomendioa eman du Sailak, are gehiago arnas sintomekin, kutsatzeen % 95 pertsonak sintomak dituztenean gertatzen direlako.
Eztula egiterakoan ukalondoarekin edo erabili eta botatzeko zapi batekin estaltzea, eta sintomekin adinekoekin ala gaixotasun kronikoak dituzten pertsonekin harremanetan ez egotea, ezta toki publiko edo jendetsuetan ere.
Hezkuntza zentro guztiak itxita dauden aurreneko eguna da.
130 positibo Nafarroan
Bestalde, 130 koronabirusa kasu baieztatu dituzte Nafarroan, horietako 33 ospitalean daude, eta horietatik lau ZIUn.
Konkretuki, Osasun Kontseilaritzak emandako datuen arabera, Nafarroako Ospitale Gunean 21 pertsona ospitaleraturik daude, horietako hiru ZIUn; beste bost Tuterako Sofia Erregina Ospitalean; eta zazpi Nafarroako Unibertsitate Klinikan, horietako bat ZIUn.
Gainerako 81 pazienteak etxean daude.
Ostiral honetan ikastetxeetara ez joateko gomendioari dagokionez, 29 zentrotara ez da ikaslerik joan, Javier Remirez presidenteordeak jakitera eman duenez.
Albiste gehiago gizartea
Pertsona bat hil da Trebiñun, bi autoren artean izandako istripuan
Gaueko lehen orduan izan da ezbeharra, Araba 2124 errepidean. Bi ibilgailuk aurrez aurre jo dute eta errepidea itxita geratu da Burgoserako norantzan.
Euriteek arazoak eragin dituzte Montserraten eta bi pertsona desagertu dira Bartzelonan
Lekuko batek larrialdi-zerbitzuei dei egin die arratsaldean, Sant Quinti de Medionan, ibaiko urak auto bat arrastaka zeramala eta barruan bi pertsona zihoazela ohartarazteko. Ordu batzuk geroago, autoa aurkitu dute baina inor ez zegoen barruan.
27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta
Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik.
Berrezarrita tren-zirkulazioa Tolosa eta Villabona artean, zutoinen erorketaren ondorengo etenaldia eta gero
Renfek errepide bidez garraio alternatiboa eskaintzeko plan bat jarri du martxan igande goizean, kaltetutako bidaiariak euren azken helmugara edo gutxienez Tolosako geltokira eramateko. Hala ere, zirkulazioa berriro ere martxan jarri da 19:00ak aldera.
Beharrezkoa al da benetan proteina ugariko produktuak kontsumitzea?
Proteinarekiko obsesioa saltokietara iritsi da, baita nutrizionisten kontsultetara ere. Osasungarriak ematen badute ere, etiketak irakurri beharra dago. Adituek formula klasikoa gomendatzen dute: dieta orekatua eta ariketa fisikoa.
Zibererasoak kaltetutako Europako aireportuetan gorabehera gutxi batzuk izaten ari dira oraindik
Aenak larunbatean ziurtatu zuenez, Espainiako aireportuetan ez da ia arazorik izan, baina Europako beste batzuekin lotzen dituzten hegaldietan atzerapenak izan dira, Collins Aerospace sistemarekin lotutako gorabeheren ondorioz.
Gizon bat hil dute gaur goizean Bilbon, eta Ertzaintzak ikerketa abiatu du
Ertzaintzak dispositibo berezia ezarri du Solokoetxe auzoan, eta hainbat gune miatu ditu erasoa ikertzeko.
Ertzaintzak abiadura kontrolatzeko kanpaina bat egingo du datorren astean
2024an, EAEko errepideetan trafiko-istripuetan hildako pertsonen % 32 abiadura desegokiarekin lotutako ezbeharretan zendu ziren.
![(Foto de ARCHIVO)
[Sevilla] [Comunicacion.Csic.Andalucia] Ndp Científicos Del Csic Participan En La Obtención De La Escala De Riesgo Genético De Alzheimer Más Completa
REMITIDA / HANDOUT por CSIC
Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma
04/9/2025](https://s7g10.scene7.com/is/image/eitb/alzheimer:eitb-banner?$eitb-banner$&fmt=webp-alpha&qlt=80)
43.700 pertsonak baino gehiagok dute alzheimerra Euskal Herrian: prebentzioa oinarrizkoa duen erronka handia
Adituen arabera, 2050. urterako 120.000 pertsona baino gehiago izan daitezke kaltetuak. Senideen eta zaintzaileen elkarteek gaixoak zaintzen dituztenen eskubideak aitortzearen garrantzia azpimarratu dute, eta ikusezin bihurtu ohi den lan hori nabarmendu dute.
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.