Fiskaltzak ikerketa hasi du zahar-etxe batzuetan adinekoen hilotzak aurkitu ostean
Estatuko Fiskaltza Nagusiak ikerketa abiatu du astelehen honetan, zahar-etxe batzuetan gaixo dauden adinekoak osasun egoera txarrean dauden aztertu eta koronabirusaren eraginez hildako egoiliarrak dauden edo ez argitzeko.
Hala jakinarazi du Ministerio Publikoak ohar baten bidez, koronabirusaren pandemiari aurre egiteko asmoz lanean ari diren Espainiako Indar Armatuetako kideek "erabat abandonaturik utzi dituzten adinekoak aurkitu ostean, horietako batzuk ohean hilda", Margarita Robles Defentsa ministroak astelehen honetan egindako elkarrizketa batean adierazi duenez.
Hori dela eta, Estatuko Fiskaltza Nagusiak gertaera horiek ikertzea erabaki du, izan ere, "zahar-etxe batzuetan gaixorik dauden adinekoak aurkitu dituzte, muturreko egoeran eta osasun baldintza txarrean; batzuk, ohean hilda".
COVID-19 gaitzak eragindako pandemiak sortu duen osasun krisiaren ondorioz, Fiskaltzak zahar-etxeen jarraipena indartu du. Hori dela eta, Dolores Delgado Estatuko fiskal nagusiak bilera bat egin zuen joan den ostiralean, bideokonferentzia bidez, gainerako fiskal nagusiekin. Bilera horretan, Estatu mailako informazioa biltzeko eta jarraibideak emateko sare bat ezartzea adostu zuten, adineko pertsona horien eskubideen defentsan arreta bermatu eta modu berdintsuan jarduteko.
"Zahar-etxe horien arreta eta jarraipena Ministerio Fiskalaren jardueraren parte da, une honetan izurriteak Fiskaltzaren jardueran duen eraginari erantzun hobea emateko asmoz indartuta", esan zuen ohar baten bidez.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.