Koronabirusaren test azkarrak aste amaierarako espero ditu Jaurlaritzak
Euskadik aste amaieran jaso ditzake koronabirus kasuak atzemateko test azkarrak, Nekane Murga Osasun sailburuak telematikoki emandako prentsaurreko batean jakinarazi duenez.
Prentsaurrekoan, Murgari Eusko Jaurlaritzak test azkarrak jaso ote dituen galdetu diote, izan ere, Iñigo Urkullu lehendakariak Pedro Sanchez Gobernuko presidenteari test azkarrak noiz jasoko zituen galdetu zion harekin eta gainerako autonomia erkidegoetako presidenteekin bideokonferentzia bidez bildu zenean.
Murgak azaldu du Eusko Jaurlaritzak oraindik ez dituela test azkarrak jaso, baina, Ministerioak esandakoaren arabera, agian aste amaieran helduko direla adierazi du.
"Batez ere osasun-arloan egitea aurreikusten diren test batzuk dira, hastear dauden kasuak atzitzeko eta PCRa mantentzeko, hau da, eskuz egiten ari garen teknika tradizionala mantendu eta kanpoko hornitzaileen mende ez egoteko. Batez ere, ospitaleetan, larrialdietan eta pertsona larrienen eremuan", adierazi du.
Sailburuak azaldu duenez, "pertsona batek birusa duen jakin ahal izateko modu tradizionala PCR teknika bidezko proba da". Azpimarratu duenez, "hiru enpresak soilik saltzen dituzte erreaktiboak eta substantziak prest dituen kit bat, zeinaren bidez lagina hartu eta makinan sartu daitekeen".
Sailburuak nabarmendu du kit horiek ez direla nazioarteko eskariaren mailan ekoizten, are gehiago, herrialde batzuek ez dute uzten kitak euren mugetatik at banatzea".
Hori dela eta, Osakidetzak "lagina hartzeko eta birusa identifikatu ahal izateko beharrezkoak diren substantziak zeintzuk diren" identifikatu dituela adierazi du. Beraz, "laborategiak prest daude eskuz egiteko, eta datozen asteetan sortuko ditugun laginen denborak eta aukerak balioztatzen eta egiaztatzen ari dira".
"Prozesu hori, neurri batean, beregainak izateko gauzatzen ari gara. Hornitzaileek une jakin batean huts egiten badute eta hornidurarik gabe uzten bagaituzte, ez gara kanpoko hornitzaileen mende egongo", zehaztu du.
Albiste gehiago gizartea
Justizia Aranarentzat plataformak salatu du Bilbon barrabil bat galdu zuen gaztea zauritu zuen "ertzaina estaltzen" ari direla
Plataformaren hitzetan, "nahikoa zantzu" daude ziurtatzeko "Iker jo zuen foam bala zuzenean jaurti zutela, inolako istilurik edo arrisku egoerarik ez zegoen testuinguru batean".
Festa lehertu da Baionan!
Urtero legez, Leon erregearen agerrerak eman dio hasiera Baionako besten hasierari. Hiriko hiru giltzak udaletxeko balkoitik jaurtita, hasi dira Lapurdiko hiriburuko festak.
57 gazte ari dira parte hartzen Gazterock programaren XVII. edizioan
Gazteriaren Foru Erakundeak Gasteizko Hell Dorado aretoarekin elkarlanean urtero antolatzen duen Gazterock udalekuen programak bere XVII. edizioa bete du aurten. Udalekuetan, parte-hartzaileek musika ekoizteko tailerrak, musika konboak, rockaren historia, film laburrak, argazkigintza eta "merchandising"a egiten ikasten dute.
Hiru proiektu lehian, Donostiako Amara-Easo trenbide ingurua eraldatzeko
Lehiaketako lehen saria Amado Martin Padillaren 'Habitar el bosque urbano' lana eraman du. Ander Gortazar Balerdi eta Ibai Usandizagaren 'Kalerik kale plazarik plaza' lanak irabazi du bigarrena, eta hirugarrena Juan Beldarrain Santosen 'Hari berdez hiria josi' lanak jaso du. Proiektua parte-hartzailea izango da, herritarek iritzia eman dezaten.
Euskadiko gazteen % 70 pozik daude bere lan-egoerarekin
Gazteen ustez, Euskadiri eragiten dioten arazo nagusiak lan-merkatua, etxebizitza, zailtasun ekonomikoak eta osasunarekin lotutako gaiak dira.
Kerman Villateren heriotzan erantzukizuna duten enpresak zigortzea eta Gasteizko Udalak parte hartzea eskatu du familiak
Kerman Villate Beitiaren familiak —Mitika diskotekako atezain batek hil zuen gaztea— gutun bat bidali dio Gasteizko alkateari, semearen "hilketaren" erantzuleei azalpenak eta zigorrak eskatzeko. Diotenez, semearen heriotza "ez zen istripua izan", baizik eta "erakundeen arduragabekeriek, elkarren segidan, eragindako hilketa".
86 urteko gizon baten bila dabiltza Gorbeia mendian
Asteartetik darama desagertuta eta Muruako harrobien aparkalekuan aurkitu dute bere autoa.
14 litro sexu-indartzaile atzeman dituzte Bilboko Aireportuan
Materiala zekarren gizona kontrabandoarekin lotutako arau-hauste bat egiteagatik salatu du Guardia Zibilak.
Azterketarien % 90,61ek gainditu dute Unibertsitatera Sartzeko Probaren ezhoiko deialdia, Euskadin
Euskadi osoko datuak kontutan hartuta, euskaraz aurkeztutakoen % 93,79k gainditu zuten azterketa, eta gaztelaniaz aurkeztutakoen % 83,06k.
Ikusi berriz uztailaren 9ko entzierroa
2025eko sanferminetako uztailaren 9ko entzierroa, Orainen.