Langileei babes materiala ematera behartu dituzte adinekoen bi egoitza
Bilboko bi epaitegik adinekoen bi egoitzari eta Bizkaiko Foru Aldundiari eskatu diete "ahalik eta eperik laburrenean" bete ditzatela zentro horietako langileak babesteko neurriak, hala nola maskarak, txabusina iragazgaitzak, eskularruak eta betaurrekoak, Covid-19aren pandemiak irauten duen bitartean.
Barakaldoko Miranda Fundazioaren egoitzari eta Vitalitas Centro Residenciales enpresak Ermuan duen Abeletxea egoitzari buruzko ebazpenek kautelazko neurriak hartzea ebazten dute, "lehenbailehen eta ahalik eta lasterren, langileei babes indibidualeko elementuak emateko.
ELA sindikatuak eskubideen babeserako bi prozedura proposatu zituen eta autoak eragin dituzten kautelazko neurri horiek hartzeko eskatu zuen. Bi epaitegiek "arrazoia" eman izana balioztatu du, eta Bizkaiko Foru Aldundiari "adinekoen zentroetan dagoen egoera larria ez ezkutatzeko" exijitu dio.
ELAk azaldu duenez, Vitalitas-Vialia enpresak kudeatzen duen Ermuko Abeletxe egoitzan 18 erabiltzaile hil dira, eta ia 30 langilek eman dute positibo. "Neurriak eta protokoloak ez betetzea etengabekoa izaten ari da, langile falta bezalaxe", adierazi du.
Barakaldoko Miranda Fundazioan 12 erabiltzaile hil dira eta protokoloak ez dira bete, langileak falta dira eta langileek ez dute babes ekipamendurik, sindikatuaren arabera.
Bi autoek egoitzei eta Bizkaiko Aldundiari "araudian onartutako neurri guztiak bete ditzatela, eta horrela, Covid-19ari buruzko gidak eta protokoloak osorik bete ditzatela" eskatzen diete.
Barakaldoko egoitzari buruzko ebazpenak "zentroan zerbitzuak ematen dituzten langileen osasuna ere babesteko beharra" nabarmentzen du, ELAk eskatzen duen bezala, "norbera babesteko ekipamenduen hornidurarekin, diagnostikoen testarekin, erabilgarri dagoen neurrian, eta isolamendu eta garbiketa arauekin", pandemian aplikatu beharreko araudien arabera.
"Laburbilduz, zentroko erabiltzaileak kolektibo kaltebera eta bertako langileak kutsatzeko benetako arriskua dutenak izanik", enpresei prebentzio neurri horiek hartzeko eskatzen zaie.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.