Noiz eta nola irten ahal izango gara paseatzera eta kirola egitera, gaurtik aurrera
Gaurtik, maiatzaren 2tik , aurrera, helduak paseatzera ateratzea eta kalean kirola egitea baimenduta egongo da. Espainiako Gobernu betebeharreko baldintzak eta ordutegiak zeintzuk diren jakinarazi ditu:
PASEATZERA IRTETEKO
-Herritarrak egunean behin irten ahalko dira paseatzera, ezarritako ordu-mugen barnean. Muga horien barruan, ez dago beste denbora-mugarik.
-Nahiz eta egun berean gehienez hiru umerekin irten (13 urterainokoek beste ordu-muga batzuk dituzte ezarrita), herritarrek baimena izango dute paseatzera joateko. Halaber, baimena izango dute nahiz eta irten lanera joateko, erosketak egiteko, farmaziara joateko… alegia, alarma-egoera indarrean sartu zenetik baimenduta dauden lekuetara joateko.
-Nahiz eta egun berean kirola egitera irten, baimenduta egongo da paseatzera joatea.
-Etxebizitzatik gehienez kilometro bateko eremuan ibili ahalko da.
-Erabilera publikoko edozein bidetik edo gunetik ibili ahalko da, natura-guneak eta baimendutako berdeguneak barne.
-Gune publikoaren banaketa ibiltzen direnen eta bizikletaz bidaiatzen direnen alde erraztuko da; lehentasun-ordena hori izango da.
-Ez da baimenduko autoa eta motorra erabiltzea paseatzera joatea helburu inora joateko.
-Gainerakoekin, gutxienez bi metroko tarteari eutsi beharko diogu.
-Leku jendetsuak eta jendetza egon litekeen guneak saihestu beharko ditugu. Hala den neurrian, kalean geldirik egotea ere saihestu beharko dugu.
-Hauek ez dute baimenik izango paseatzera joateko: COVID-19ko sintomak dituzten edo gaitzaren diagnostikoa izateagatik etxean bakanduta dauden herritarrek, eta pertsona haiekin kontaktuan izateagatik etxean koarentenan dauden herritarrek.
-Adinekoen zentro sozio-sanitarioetako egoiliarrek ere ez dute paseatzera joateko baimenik izango.
- 14 urtetik gorako pertsonek banaka paseatzeko aukera izango dute. Taldean ateratzea galarazita dago.
Paseatzera joateko ordutegiak (5.000 biztanle baino gutxiagoko udalerrietan, ez dira ordu-muga hauek ezarriko)
*14-69 urte arteko herritarrek ordu hauetan izango dute baimena: 06:00etatik 10:00etara, edo 20:00etatik 23:00etara.
-Herritar bakoitza berarekin bizi den beste pertsona batekin irten ahalko da.
*70 urteko edo 70 urtetik gorako herritarrak eta laguntzapeko pertsonak ordu hauetan irten ahalko dira: 10:00etatik 12:00etara, edo 19:00etatik 20:00etara.
-Laguntzapeko pertsonek haien zaintzaz arduratzen den pertsonarekin irten ahalko dira (14-70 urte artekoa izan beharko da), beraiekin bizi den beste pertsona batez gain.
*13 urtera arteko umeak apirilaren 26tik ezarrita dauden baldintzetan irten ahalko dira (gehienez ordubetez, heldu bat gehienez hiru umek osatutako taldeez arduratuko da, eta etxetik kilometro batera), baina 12:00etatik 19:00etara arte (ez 09:00etatik 21:00etara, orain arte bezala).
KIROLA EGITEKO
-Egiten den kirolan ezingo da kontakturik izan.
-Herritarrak egunean behin irten ahalko dira kirola egitera, ezarritako ordu-mugen barnean. Muga horien barruan, ez dago beste denbora-mugarik.
-Nahiz eta egun berean gehienez hiru umerekin irten (13 urterainokoek beste ordu-muga batzuk dituzte ezarrita), herritarrek baimena izango dute paseatzera joateko. Halaber, baimena izango dute nahiz eta irten lanera joateko, erosketak egiteko, farmaziara joateko… alegia, alarma-egoera indarrean sartu zenetik baimenduta dauden lekuetara joateko.
-Nahiz eta egun berean paseatzera irten, baimenduta egongo da kirola egitera joatea.
-Muga udalerria izango da. Kirola egiteko ezin daiteke beste herri edo hiri batera joan.
-Banaka izan beharko da. Ariketa fisikoa taldean egitea debekatuta dago.
-Erabilera publikoko edozein bidetik edo gunetik ibili ahalko da kirola egiteko, natura-guneak eta baimendutako berdeguneak barne.
-Gune publikoaren banaketa ibiltzen direnen eta bizikletaz bidaiatzen direnen alde erraztuko da; lehentasun-ordena hori izango da.
-Ez da baimenduko autoa eta motorra erabiltzea kirola egitea helburu inora joateko.
-Gainerakoekin, gutxienez bi metroko tarteari eutsi beharko diogu.
-Leku jendetsuak eta jendetza egon litekeen guneak saihestu beharko ditugu. Hala den neurrian, kalean geldirik egotea ere saihestu beharko dugu.
-Hauek ez dute baimenik izango kirola egitera joateko: COVID-19ko sintomak dituzten edo gaitzaren diagnostikoa izateagatik etxean bakanduta dauden herritarrek, eta pertsona haiekin kontaktuan izateagatik etxean koarentenan dauden herritarrek.
-Adinekoen zentro sozio-sanitarioetako egoiliarrek ere ez dute kirola egitera joateko baimenik izango.
Kirola egitera joateko ordutegiak (5.000 biztanle baino gutxiagoko udalerrietan, ez dira ordu-muga hauek ezarriko)
*14-69 urte arteko herritarrek ordu hauetan izango dute baimena: 06:00etatik 10:00etara, edo 20:00etatik 23:00etara.
*70 urteko edo 70 urtetik gorako herritarrak eta laguntzapeko pertsonak ordu hauetan irten ahalko dira: 10:00etatik 12:00etara, edo 19:00etatik 20:00etara.
-Laguntzapeko pertsonek haien zaintzaz arduratzen den pertsonarekin irten ahalko dira (14-70 urte artekoa izan beharko da).
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.