10 hildako eta 65 positibo berri Hego Euskal Herrian azken orduotan, COVID-19agatik
Euskal Autonomia Erkidegoan zortzi pertsona hil dira azken orduotan koronabirusarekin. Beraz, 1.329 dira hildakoak pandemia hasi zenetik.
Espainiako Osasun Ministerioak atzoko 21:00ak arte jasotako datuen arabera, 51 positibo berri atzeman dira azken orduetan PCR proben bidez (proba honek detektatzen du pertsona batek une horretan bertan birusa duen ala gaixo dagoen). 12.938 diagnostiko positibo izan dira orain arte proba horiekin (% 0,4ko igoera azken 24 orduetan).
Eusko Jaurlaritzako Osasun departamentuak gaineratu du beste 44 kasu atzeman dituztela "test azkarren" bidez (proba horrek hartutako immunitatea edo pertsona batek sortutako antigorputzak neurtzen ditu, eta iraganeko infekzio bat adieraz dezake).
33 lagun gehiago ospitalizatu dituzte (guztira 6.692 pertsona egon dira ospitaleratuta uneren batean) eta bi pertsona ZIUn sartu dituzte (553 igaro dira uneren batean ZIUtik).
Gaur egun, 614 pertsona daude ospitaleratuta, horietatik 524 solairuko geletan eta 90 ZIUn.
Altak eta sendatuak, berriz, 219 izan dira (12.024 pandemia hasi zenetik).
Bi hildako eta 14 kutsatu berri Nafarroan
Azken 24 orduetan 14 PCR test positibo izan dira Nafarroan (4.902 kasu dira jada proba horiekin diagnostikatuak) eta bi pertsona hil dira koronabirusarekin. Hala, jada 462 pertsona hil dira Nafarroan, pandemia hasi zenetik.
Test azkar bidez 2 pertsona gehiagok eman dutela positibo jakinarazi du Nafarroako Gobernuak.
Espainiako Osasun Ministerioaren datuen arabera, 7 pertsona ospitaleratu zituzten atzo eta pertsona bat ZIUn sartu zuten (guztira 1.986 nafar egon dira ospitaleratuta uneren batean, horietatik 133 Zainketa Berezien Unitatean).
Hildakoen kopurua 164ra jaitsi da Espainian
Koronabirusarekin hildakoen eta kutsatuen kopurua nabarmen jaitsi da Espainian ere azken 24 orduetan. Atzo 164 pertsona hil ziren eta laugarren eguna da, jarraian, 300 heriotza baino gutxiago gertatzen direla. Guztira, 25.264 pertsona hil dira.
PCR bidez baieztatutako kasu berriak 838 izan dira (217.466 guztira).
1.654 pertsona sendatu dira, gainera, azken orduotan. Beraz, 118.902 pertsonak lortu dute jada gaitza gainditzea.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.