884.000 maskara banatuko dituzte Hego Euskal Herrian, gaurtik aurrera
Astelehen honetatik aurrera ia 900.000 maskara banatuko dituzte Hego Euskal Herrian. Egun horretatik aurrera garraio publikoan derrigorrezkoa da maskara erabiltzea koronabirusa kutsatzea saihesteko.
Espainiako Gobernuak EAEn duen ordezkaritzak aditzera emandakoaren arabera, Euskadin 684.000 maskara banatuko dira, horietariko 104.000 Araban, 356.000 Bizkaian era 224.000 Gipuzkoan.
282.000 maskara astelehena eta asteartea artean banatuko dituzte, Jaurlaritzarekin elkarlanean, Euskadiko garraio-gune nagusietan. Gurutze Gorriak, DYAk eta Babes Zibilak banatuko dituzte. 148.000 Bizkaian banatuko dira, 42.000 Araban eta 92.000 Gipuzkoan.
Halaber, EAEko udalek 330.000 maskara jasoko dituzte; 172.000 Bizkaian, 108.000 Gipuzkoan eta 50.000 Araban.
Horiez gain, beste 72.000 maskara higieniko banatuko dituzte zenbait erakunderen artean; Gurutze Gorria (24.000), Caritas (24.000) eta CERMI desgaitasunak dituzten pertsonen ordezkarien Espainiako Batzordea (24.000), besteak beste.
200.000 maskara Nafarroan
Nafarroan, berriz, 200.000 maskara jaso dituzte astelehenetik aurrera banatzeko. 84.000 garraio publikoaren erabiltzaileen artean banatuko dituzte, 98.000 udalen artean eta 18.000 gizarte erakundeei emango dizkiete.
Espainia osoan, guztira, sei milioi maskara banatuko dituzte garraio publikoa erabiltzen dutenek derrigorrez jartzeko.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.