Osakidetza: "COVID-19a ez dago oporretan"
"COVID-19a ez dago oporretan", ohartarazi du Nekane Murga Osasun sailburuak. Horregatik, herritarrei erantzukizuna eskatu die berriro, hondartzetan zein garraio publikoan pilaketak saihesteko eta balizko agerraldiak eragozteko; izan ere, Euskadi "hasierako kutxatilara" itzuli daiteke.
Azken egunetan, eguraldi onarekin, hondartzetan, pasealekuetan eta metroan ikusi diren irudiak eta pilaketak ez dira errepikatu behar, Murgak prentsaurrekoan azpimarratu duenez. Hondartzen erabilera "dinamikoa" egiteko gomendioa eman zuen Osasun Sailak, gogorarazi duenez.
"Taldean, toallak, edariak, kremak partekatuz eguzkipean ez etzan. Hori da beti saihestu behar duguna", eskatu du sailburuak.
Murgaren ahotan, kutsatzeko gaitasuna baina sintomarik ez duen pertsona batek dozenaka lagunekin kontaktua izan dezake egoera horietan. "Dinamika horiek oso zail egingo lukete harremanen ikerketa eta transmisioa gelditzea, eta gaixotasunaren susperraldi berri bat izan dezakegu", ohartarazi du.
Pasealekuak lepo daudenean eta segurtasun distantzia gordetzea ezinezkoa denean maskara erabiltzea "ezinbestekoa" da, ziurtatu duenez, "baita hondartzetan ere".
Era berean, garraio publikoa "kontu handiz" erabiltzea eskatu du agintariak: "jende asko dagoenean, eta aisialdirako erabili behar denean ongi pentsatu. Garraio publikoa lepo dagoenean erabiltzea saihestu behar dugu".
Euskadiren egoera epidemiologikoa "ona" dela azpimarratu du Murgak, baina helburua egindako bidea ez desegitea dela gaineratu du, eta deskribatutako egoera horiek denak "arriskutsuak" dira. Erakundeak lanean ari direla gogorarazi du, baina herritarren "inplikazio aktiborik gabe alferrik" ari direla onartu du.
Hondartzak "estigmatizatu" nahi ez dituztela adierazi du. Horregatik, esandakoa jendetza biltzen den edozein tokirako balio duela erantsi du.
Konfinamenduak luze jo duela ulertzen du arduradunak, eta bereziki gazteei zuzendu zaie: "udarak ezberdina izan behar du, harremanak izateko beste modu batzuk bilatu behar dituzte".
"Guztion artean" hondartzaz gozatu ahal izateko "oreka" bat lortzea espero du Murgak. "Debekua ez dugu gustuko, eta hondartza guztietara sartzea debekatzea ez litzateke bidezkoa", esan du.
"Atzera ez egitea, egindako bidea ez desegitea guztion ardura da, bizitzetan izan ditzakeen ondorioak sekula ahaztu barik", laburbildu du buruzagiak.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.