TRAFIKO ISTRIPUA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Ordizian istripua eragin eta ihes egin duen gidari baten bila ari da Ertzaintza

N-1 errepidean izan da auto-istripua 11:30 aldera, Eroski parean, Beasaingo noranzkoan. Auto batek atzetik eman dio granate-koloreko Renault Scenic bati eta ihes egin du. Pertsona bat zauritu da.

AGENTZIAK | ERREDAKZIOA

Azken eguneratzea

Ertzaintza gaur goizean auto-istripu bat eragin eta ihes egin duen gidari baten bila dabil. Ordizian (Gipuzkoa) izan da istripua eta pertsona bat zauritu da ezbeharrean.

Segutasun Sailak jakitera eman duenez, N-1 errepidean izan da auto-istripua 11:30 aldera, Eroski parean, Beasaingo noranzkoan. Auto batek atzetik eman dio granate-koloreko Renault Scenic bati, eta ondoren, ihes egin du.

Kolpatutako autoan zihoan pertsona bat zauritu egin da eta Zumarragako ospitalera eraman behar izan dute.

Ertzaintzak ikerketa ireki du gertatu dena argitzeko eta lekukoen bila hasi da. Inork informazioa izanez gero, 943 539 119 telefonora deitu behar du.

Gizartea Trafiko Istripuak Ertzaintza Gipuzkoa Eguneko Titularrak Ordizia

Zure interesekoa izan daiteke

Gehiago ikusi
Publizitatea
X